Skip to main content

Geschreve op .

Buutschool veur Pronkzitting XS is gestart!

De buutschool van d"Olde Waskupen oapent weer eur deure veur de veurbereidinge veur Pronkzitting XS.
Met deze ochtende wödt d'r altied flink geoefend veur 'n spectaculaire Pronkzitting XS den op zaoterdag 8 fibrewari plaats vind.
Zondag 22 december um 09:30 uur is de buutschool veur 't lets bi-j café De Peer.
Hiernao geet de Buutschool wiejer bi-j de Brandweerkazerne aan de Grintweg en wel op zondag 12 en 26 janewari um 10:30 uur (locatie kan nog wiezige).

Geschreve op .

Tip de ridactie van de Waskuup!

Achter de scherme wödt d'r deur de ridactie van de enige echte Waskuup al weer hard gewark aan 'n ni-je editie. De eerste pikante verhale en opmarkelijke foto’s zun d'r al. Maor onze altied metluusterende ridactieore en schietgrage fotografe könne niet eûveral tigeliek zun.
A-j nog 'n hilarische foto of smeuïg verhaal heb, tip dan de ridactie!
Dat kan met 'n e-mail naor Dit E-mail adres wordt beschermd tegen spambots. U moet JavaScript geactiveerd hebben om het te kunnen zien. of schrief/sprèèk één van de ridactieleje aan (zie colofon lètste pagina)! 

Geschreve op .

Kaartverkoop Pronkzitting XL van start!

Beste carnavaliste uut 't hele land, de kaarte veur Pronkzitting XL (zaoterdag 8 fibrewari) zun bi-j onze verkooppunte beland! 'n Aovend vol muziek, dans en gezelligheid den menig carnavalis, jong en oud, verbli-jd. Veur slechs € 13,50 wellich 'n leuk kado um met Sinterklaos te gève. Wi-j hebbe d'r ook 'n bi-jpassend gedich veur geschreve.

Lees meer

Geschreve op .

Herman Wissenburg benuump tot Commandeur

Met de novemberpronkzitting is Herman Wissenburg benuump tot Commandeur van d'Olde Waskupen.
Herman is al sins 1981 lid en krig 't commandeurschap van 't college van old prinsen. Herman is 'n verenigingsman in hart en niere. Hij is al jaore warkend lid van d'Olde Waskupen. Was in 1991 adjudant bi-j prins Bernard I (Bernard Dijkman), zat onder andere in de optochcommissie en is nog steeds één van de begeleiders met de optoch. Daornaos is hij één van de kartrekkers van de Peeskesbuurt en verleent hij allerlei hand en spandienste veur Societeit de Vriendschap. Ook is hij al jaore vri-jwilliger bi-j "Vrienden van Crescendo" en MvR now bi-j FC Bergh

.

Geschreve op .

Vincent Surenbroek ni-je prins van d’Olde Waskupen

Afgelope weekend stond in 't teke van de novemberpronkzittinge van d’Olde Waskupen waorin Vincent Surenbroek met twee schitterende aovende as Prins Vincent I wier geprissenteerd. Prins Vincent I regeert same met zien adjudante Chiel van Gessel & Peter Krijger onder 't motto ‘Allejeekes Gèèf’ 't kommend carnavalsjaor in Waskuupstad. Zien gevolg besteet wiejer uut de dansmarietjes Noa Esman, Maureen Krijgen, Isa Looman en Ilse Surenbroek en de narre Raoul Krijger en Dave Surenbroek.

Lees meer

Geschreve op .

Plaatsbesprèke Pronkzitting

Woensdagaovend (6 november) vindt 't plaatsbesprèke veur de pronkzittinge in Eetcafé Zalencentrum de Gracht plaats.
De lötjes wodde vanaf 19:30 uur uutgereik en um 20:00 uur begint 't plaatsbesprèke.
Belangrijk! Plaatsbesprèke is verplich en vergèèt daorbi-j niet ow de toegangskaarte eiges met te nème!

Daornaos hebbe wi-j dit jaor ook iets ni-js!
Met 't plaatsbesprèke is d'r de meugelijkheid um alvas munte te kope veur aankommend weekend. 'n Pinautomaat is aanwezig. Betale is alleen meugelijk via pin.

As bezuukers niet op woensdag aanwezig zun gewèès en toch 'n kaart hebbe veur één van de twee aovende, dan könne zi-j zich op de aovend melde bi-j de minse van de Zaal en Riseptie Commissie. De ZRC wis dan 'n plaats toe.

Meer artikels...