Op dinsdagmiddag met de carnaval het jeugprins Jeb I 'n end gemaak aan 't carnavalsjaor 2017/2018 veur de jeug van Waskupenstad. Dit was ook zien lètste officiële handeling as Hoogheid. Iedereen het könne zien dat Jeb ’n mooie tied het gehad met zien gevolg.
Veur alle jonge Waskuupkes en Waskuupinnekes was 't 'n super gèèf carnaval. De prachtige herinneringe blieve de “Olde Joekel” en zien gevolg tot in lengte van dage bi-j.   
Op zaoterdagmiddag 10 november installeert Jeb de ni-je jeugprins. De altied gezellige jeugpronkzitting wödt natuurlijk weer opgesierd met vol zang en dans verzörg deur enthousiaste kindere van de verschillende schole uut ’s-Heerenbarg.

Wie wödt de ni-je jeugprins? Misschien wel gi-j! Zitting nemme in 't gevolg is ook 'n hele mooie belèvenis. En wat dach gi-j van 'n optreje veur 'n enthousias publiek met de jeugpronkzitting. Vanaf now is 't meugelijk um ow aan te melde veur 't jeugprinsschap, 't gevolg of veur de buutschool. 

Wod gi-j de ni-je jeugprins of zol gi-j graag in 't gevolg wille zitte? Gi-j könt ow now opgève via onze website. Gao daorveur naor deze pagina op onze website.
Hol wel rèkening met de goeie groep waorin gi-j volgend schooljaor zit en vraog natuurlijk altied ow olders eers um toestemming.

Wil gi-j graag optreje op onze druk bezochte jeugpronkzitting op zaoterdagmiddag 10 november? Dan hiete wi-j ow van hatte welkom op onze buutschool.
Wi-j zun altied op zuuk naor jeugdige carnavaliste die wille danse, zinge of zelfs moppe vertelle. 
De buutschool hilp met 't voorbereide van 't optreje. Dit doen wi-j ook deur te oefene in de zaal bi-j Grenscafé de Peer.
Op de volgende daotums wödt d'r geoefend:
Zondag 16 september um 09.30 uur;
Zondag 30 september um 09.30 uur;
Zondag 14 oktober um 09.30 uur;
Zondag 28 oktober um 09.30 uur.
De ginnerale ripetitie is op zaoterdag 3 november. De locatie hierveur heur gi-j nog op de buutschool.

't Aanmelde veur de buutschool kan op deze pagina.

't Aanmelde veur 't jeugprinsschap, 't gevolg kan tot maondag 10 en de buutschool tot 14 september.
A-j vraoge eûver de aanmelding of de buutschool heb, nem dan contac op met de veurzitter van de jeugcommissie van d’Olde Waskupen: Vincent Surenbroek 06-48885318.