Aanmelde Buutschool, Jeugprinsschap en Gevolg
Beste jonges en mèèdjes,
Op dinsdagmiddag met carnaval het Jeugprins Matthijs I 'n end gemaak aan 't carnavalsjaor 2018/2019 veur de jeug van Waskupenstad. Dit was dus zien letste offisjeele handeling as Hoogheid.
Iedereen het könne zien dat Matthijs 'n mooie tied het gehad met zien Gevolg. Veur alle jonge Waskuupkes en Waskuupinnekes was 't 'n fantastisch carnaval. De prachtige herinneringe blieve um en zien gevolg altied bi-j.
d’Olde Waskupen motte dus weer op zuuk naor 'n ni-je Jeugprins en gevolg.
Gi-j könt ow now opgève via onze website middels 't aanmeldformulier Jeugdgevolg.
Vraog altied ow olders um toestemming.
Wie wödt de ni-je Jeugprins veur 2019/2020? Misschien gi-j wel!
Gi-j könt ook deze fantastische ervaring metmake deur ow aan te melde veur 't gevolg. Meld ow now aan, want gi-j gaot daor zeker gin spiet van kriege.
Op zaoterdagmiddag 9 november a.s. mik Matthijs de ni-je Jeugprins bekend met de Jeugpronkzitting. Dus wil gi-j graag de hele zaal op zien kop zette deur op de bühne 'n feesje te bouwe? Meld ow dan now aan veur de Buutschool van d’Olde Waskupen via deze link
Um d'r veur te zörge dat gi-j de hele zaal op zien kop krieg starte wi-j op 8 september met 't oefene, bi-j Grenscafé De Peer. De volgende oefendaotums zun 22 september, 6 en 20 oktober. De belangrijke ginerale repetitie wödt geholde op 2 november.