Veur de meeste minse duurt 't nog 6 maonde, veur andere nog 'maor' 6 maonde! Wi-j hebbe 't natuurlijk eûver de Pronkzittinge van november en de daorbi-j behörende prinsprisentatie. Achter de scherme van d'Olde Waskupen zun d'r al tal van warkgroepe in bewèging um eûver 'n half jaor weer 'n fraai programma veur te schötelle. Maondag 12 mei is d'r met 'n kleine warkgroep in de Gerrit Heuvelinghal 'n idee gebaore veur 'n prinsprisentatie. 't Verhaal kan wodde uutgeschreve, de dialoge verwark en de zuuktoch naor de minse de met spölle kan wodde opgestart. 't Beloaf weer 'n Waskuup-waardige prisentatie te wodde waor humor en amusement hoog in 't vaandel staon. Met volle eûvertuuging kan wodde gesteld; Dat mo-j belève!