Op zaoterdag 12 april jl. vond de derde editie van de ‘debuutaovond’ plaats bi-j de Grand café de Peer. Met dizze aovond wil 't bestuur van d’ Olde Waskupen alle vri-jwilligers bedanke die zich ingezet hebbe veur de pronkzittinge van afgelope jaor.

Nao 't officiële gedeelte volgde 'n quiz met muziek- en geluudsfragmente uut eerdere pronkzittinge. Naodat enkele teams dachte nao de quizronde al gewonne te hebbe, kregge zi-j 'n ni-je opdrach veurgeschötteld om aan de hand van kleding 'n zo lang meugelijk lint te make. Menig team kwam met hun kledinglint haos tot aan Golde Hande. Onder toeziend oog van André Pasman wedde de kledinglinte opgemète en wedde de felbegeerde punte aan de teams toegedeeld.

De jury, bestaonde uut Daniël Schmitz en Vincent Nijhof, zag d'r op toe dat alles ordentelijk en eerlijk volges de richtlijne verliep. De lètste punte konde verdiend wodde met 'n buut waor onder andere de onderwerpe ‘wasmand’ en ‘kapstok’ in verwark moeste wodde.

Nao afloop concludeerde de jury dat d'r in menig lid van d’ Olde Waskupen 'n echte buutreedner schuul geet. Naodat de winnaars bekend ware gemaak, blef 't nog lang onrustig bi-j de Peer. De organisatie van de ‘debuutaovond’ 2014 was in hande van André Pasman, Remon Verstegen, Jaap Wiendels, Tom Overgoor, Pascal Rutjes en Erik Menting.