Op zaoterdagaovond 25 november vond bi-j carnavalsvereniging de Deurzetters in Etten de tweede editie van de Achterhoekse Buutkampioenschap plaats. In 'n sfeervolle zaal Köster dei-je names d'Olde Waskupen de buutreedners Daniël Schmitz en Vincent Nijhof, winnaar van de eerste editie, met. 'n Starke dillegatie den kon rèkene op flink wat steun van metgereisde carnavaliste uut Waskupenstad.

Beide here hadde op veurhand 'n gunstige loting en zate in de tweede helf van de aovend. Vol goeie buutreedners ware naor Etten afgereis um te stri-je um de felbegeerde titel waormet 't nivo nog hoger lag as veurig jaor.

Vincent nam als 'Leen van der Veen' plaats in de buutton. Hij kreg 't aanwezige publiek flink aan 't lache en ontving met regelmaot applaus veur zien goed geplaatste woordgrappe. Daniël moch as 'Theo van de Wedeo' de aovend afsluute. 't publiek umarmde Theo en de grappe viele goed in de smaak. Ook met zien buut wier d'r flink gelache waorop ‘Theo’ zien pauzes in de buut goed aanpaste.

Naodat de stemme van 't publiek ware opgehaald en geteld en de vakjury was samegekomme volgde de spannende prijsuutreiking.
De verschille blèkke zeer klein wat nog 's benaodruk hoe stark 't deelnemersveld dit jaor was.

Al snel wier duudelijk dat 't 'n meer as succesvolle aovend veur alletwee de here zol zun. Daniël wier veur zien puike optreje beloond met de 3e prijs. Vincent prolongeerde zien titel en pakte de 1e prijs met deze tweede editie van de Achterhoekse Buutkampioenschap. 't Zol nog lang gezellig blieve in Etten.

d'Olde Waskupen danke de Deurzetters veur de goeie organisatie en buutegewoon gezellige aovend.
De vereniging kik d'r naor uut um volgend jaor op 24 november 2018 weer aanwezig te zun waorbi-j de wisselbeker misschien veurgoed met geet naor Waskupenstad.