Nao lang wachte moch iedereen eindelijk weer naor Pronkzitting XS. 't Spektakel vond dit jaor plaats op zaoterdag 8 fibrewari.
Jeugpresident Xavi trapte de middag af met mooie woorde um Jeugprins Dann I met zien gevolg te verwelkomme op de bühne. Ook Prins Vincent I en zien gevolg ware d'r bi-j in onze Waskupentempel.

't Fees begon met 'n mooi optreje van 't Funkenmariechen Julia Verbeten. Zi-j wis iedereen wederom te verbaze met eur performance vol acrobatiek en dans.
Hiernao liet de OBS 'n coole dans zien met eige teks eûver Jeugprins Dann I op 't nummer Dance Monkey. 't Is duudelijk dat hier vol veur geoefend is want 't ging fantastisch.
Iedereen wier kletsnat want de Pöpkes liete 'n super dans zien op 't nummer Roetewisser. Zi-j krège 't veur mekaar dat iedereen met dei-j.



Ook 't nummer van 't gevolg van Jeugprins Dann I zette de zaal op zien kop. 't Was n ech fuifje!
De gardedans van de Jeugdansgarde was ook weer super. Onder leiding van muziek van ABBA liete zi-j 'n mooie dans zien. 't Is duudelijk dat de meide talent hebbe.
Hoe hiet de jeugprins van ’s-Heerenbarg? Jeugprins Dann I laote de Spetters iedereen wètte met hun liedje en dans.
't Hauszorkès kreg hulp van 'n grote groep jonge muzikante. Onder de naam Tutti blieze meer as 30 blage de nummers Mientje en Leef. Waskupenstad steet bekend um hun vole dweilorkeste, en met dizze jonge ginneratie op koms beloaf 't vol veur de toekoms

.

De cheerleaders van d’Olde Waskupen de Bluumkes krège de hele zaal enthousias. Dit dei-je zi-j met hun dans en liedje eûver 't fees met carnaval.
Hiernao was de Galamaschool aan de beurt maor 't duurde eigelijk te köt, zo goed ware ze. Ze zonge 'n super liedje op 't nummer 'Het duurt te lang'.
De Mini Dansgarde liet met hun Gardedans zien wat ze in huus hadde. 'n Indrukwekkende dans vol enthousiasme. Stuk veur stuk meide met talent.

Onze hoogheid Jeugprins Dann I zong same met zien adjudante en president 'n Allejeekes gèèf nummer. 't Dak ging d'raf!
Zoas gebruukelijk wödt op Pronkzitting XS ook de jeugcarnavalis van 't jaor bekend gemaak. Deze eer is dit jaor veur Senna Firing. Uut hande van Jeugprins Dann I  nam zi-j vol trots deze oorkonde aan.
Senna steet al sins jonge lèèftied op onze bühne en het al vaak liedjes same met eur nichjes laote heure. Zi-j zat in 't gevolg bi-j Jeugprins Timo I en was dansmarietje bij Jeugprins Jeb I. 
Ook met deze Pronkzitting XS het Senna weer meerdere kere van zich laote heure met onder andere 't mottolied.



In Waskuupstad is 't gezellig! De Lol Broekies zonge super enthousias en de hele zaal klapte met.
't Wier 'n groot circus in de zaal deur de vri-je dans van de Jeugdansgarde. Zi-j liete weer 'n dans zien waor zi-j trots op magge zun.
Senna en Naomi zonge 't welbekende mottolied 'Allejeekes gèèf'. Zi-j bouwde d'r 'n super feesje van.
Deze topmiddag wier afgesloate met 'n finale waorbi-j alle deelnemmers nog 'n letste keer op de bühne spronge.
't Publiek klapte enthousias met want Pronkzitting XS was allejeekes gèèf. 't Was 'n super aftrap veur de kommende carnavalswèke!

't Prachtige programma van Pronkzitting XS wier meugelijk gemaak deur deze toppers:
Jeugprins Dann I, Adjudant Siem Jansen, Adjudant Keano Peters, Jeugdpresident Xavi Elting, Julia Verbeten, Annemarie, Kyano, Dim, Chloe, Tessa, Liz, Kiki, Matthijs, Fleur, Lina, Sherina, Nikki, Nikki, Julie Boers,Elise van Uum, Noortje Rozendaal, Saar Visser, Suze Aaldering, Lize van Leyen, Meis Visser, de muzikanten van Tuttie, Jolijn Koster, Isa Peters, Sedi van Hal, Kiki van Hal, Noa Krijgsman, Lieve Megens, Yara Loskamp, Nora Wissink, Rosali Reinhoud, Lieke van Hal, Sofia Nijland, Tessa van de Bosch, Sanne Seegers, Isa Dauwerse, Do Dauwerse, Pippa Reimer, Ruby Reimers, Floor Baakman, Maud Loskamp, Puk Wissink, Floor van Hal, Anouk Messing, Merel Notten, Simon Lowenthal, Casper Hoppenbrouwers, Maas Wevers, Joep van Buuren, Royce Franck, Naomi van den Bosch, Anouk van Uhm, Sam Loskamp, Sieb Klarenaar, Femke Hageman, Mees Giezen, Ricky Joling, Ryan Jagers, Ronja Loskamp, Veerle Teerlink, Elize Maassen, Mirte van der Post, Mies Nijhof, Mikki Hendriksen, Sophie Miedema, Nikki Seegers, Lenthe Jansen, Senna Firing, Winona Wittenhorst, Eline Nijman, Janneke Siebes, Dana Hartjes, Anastasia de Boer, Vanja Andrik, Ruby Polman, Lynn Engelen, Puk van Gessel, Lola Vink, Sam Ruthers, Julia Warbroek, Samira te Winkel, Yfke Jolink, Anne-Lot Reinhout, Merel Notten, Lotus te Booij, Lennon Vink, Job Raayman, Jelle Aaldering, Senna Fiering en Naomi van den Bosch