Olders en vezörgers, de schole zun weer begonne! En onze buutschool oapent eur deure ook weer gauw. Wi-j warke weer toe naor 'n grandioze jeugpronkzitting op zaoterdagmiddag 9 november. Wat is d'r now mooier dan ow blaag of blage zien schittere op de bühne.

Onder begeleiding en in samewarking met de minse van de buutschool wödt 't optreje 'n groot succes!
Aanmelde veur onze jeugpronkzitting en daormet de buutschool kan eenvoudig via ons inschriefformulier. Klik hier um aan te melde.

De buutschool oapent eur deure op zondagochtend 29 september, 6 oktober, 13 oktober en 20 oktober. Vanaf 09:30 uur bi-j Grandcafé de Snor wödt d'r dan weer geoefend en geripeteerd. Veur ow as olders steet 'n kop koffie of thee klaor den ochtend. 
Op zaoterdag 2 november vindt de ginerale ripetitie plaats in de Mariabasisschool. 

Meld ow blaag of blage vlot aan! 't Jeugcarnaval lèèf in Waskuupstad en de aanmeldinge strome now al binne.
Zien wi-j ow zoon of dochter in november strale op onze eige jeugpronkzittinge? 't Lup in Waskuupstad.