De zaal liep op zaoterdagmiddag weer helemaal vol bi-j de sporthal van Laco. 't Was namelijk tied um de ni-je jeugprins en zien gevolg te onthulle. De Waskupentempel was zoas altied gevuld met jonge carnavaliste en de sfeer zat d'r al goed in dankzi-j 't Hauszorkès. Jeugpresident Djemo trapte de pronkzitting af met 't verwelkomme van Prins Ilja I en gaf vervolges 't startsein veur de prinsprissentatie. 't Moment waor iedereen op zat te wachte was aangebroake. Wie wödt de ni-je jeugprins van d’Olde Waskupen?

Opens zitte wi-j met zien alle op 'n zeilschip met de kapitein en PiRaad. Zi-j hebbe 'n halve schatkaart gevonde waorop te zien is dat 'n schat verstop is op 't eiland Prinsedom. Deze schat moeste zi-j zien te vinde en ginge daorum snel op pad. Onderweg komme ze plotseling 'n vremdeling tege op 'n luchbed. 't Bliek old-jeugprins Xavi I te zun. Hij het 't andere stuk van de schatkaart den ze neudig hebbe um te wette te komme waor de schat li-jt. Xavi misleid de kapitein en zet PiRaad gevange. Hij wil namelijk de schat veur zich eiges. De kapitein vertrouwt Xavi en gif um hun stuk van de kaart. Xavi het now de hele kaart en de slöttel in zien bezit. De kapitein vindt uuteindelijk de slöttel, mik PiRaad los en same gooie ze Xavi in 't water, zodat zi-j de kaart in hun bezit kriege. Uut 't water kwame opens zeemeerminne teveurschien met 'n boadschap. 't Bliek 'n code te zun waormet zi-j de schat könne oapene. De kapitein en PiRaad wette uuteindelijk de schat te vinde en onthulle jeugprins Nik I!

Jeugpresident Djemo vroeg old-jeugprins Xavi I op de bühne. De scepter en ambtsketting wiere eûvergedrage aan jeugprins Nik I en vervolges stelde hij zien gevolg veur. Hij regeert  same met zien adjudante Merijn Thuus en Pieter Löwenthal. 't Jeuggevolg besteet wiejer uut jeugpresident Djemo Striekwold, de dansmarietjes Sofia Nijland, Lise Schadron, Robine Hueskes, Niene Bi-jenhof en narre Joep van Buuren en Vigo Elting De Raod van XI besteet uut: Mies Nijhof, Mikki Hendriks, Bodhi Ruthers, Jesse Engele, Arthur Koster, Do Dauwerse, Thijs Brouwer, Mats Brouwer, Job Raayman, Pippa Reijmer en Jayden Eijt en vaandeldrager is Mikayla Eijt.

Op eige muziek wier 't Funkenmariechen op de bühne gehaald. Deze pronkzittin danste twee Funkenmariechen 'n duodans. Zi-j liete 'n mooie dans zien en 't was iedereen duudelijk dat zi-j vol geoefend hadde. De zaal keek vol verbazing toe hoe zi-j op de maot van de muziek liete zien hoe lenig zi-j zun. Toen wier 't opens spannend. De Pupkes kwame namelijk as haaie de bühne op en iedereen deed met, met babyshark.
Schrikma Bikma kwam de bühne op zwemme en zonge uut volle bos. Deze jonges könne zelfs rappe en iedereen zong met "Ik gao zwemmen" met. Zi-j maakte plaats veur de 11 dames van de Spetters. Op muziek van K3 liete zi-j 'n dans zien waorbi-j wi-j ons opens begave op 'n tropisch eiland.

De dames van de dansgarde liete met de gardedans weer is zien waor zi-j goed in zun. 'n Strakke choreografie en ontzettend vol enthousiasme zörgde veur 'n leuke dans. Hier magge ze trots op zun.
Jeugprins Nik I sprak de zaal toe en liet wette hoe trots hij is um jeugprins te zun bi-j d’Olde Waskupen. Hij het ontzettend vol zin in de kommende carnavalsperiode.
De Chocogirls danste automatisch toen zi-j op de bühne 'n liedje van Flemming zonge. Wat könne zi-j 'n feesje bouwe. De mini dansgarde liet met 'n gardedans zien wat zi-j können. Vol spektakel en sensatie liete zi-j 'n mooie dans zien. 't Was goed te zien dat zi-j hier vol tied in gestoake hebbe.

De Bad Girls kregge de zaal op zien kop met de Macarena. In glitterpäkskes danste en spronge zi-j evûer de bühne. 't Enthousiasme spetterde d'r van af. Hierbi-j hield 't niet op want de Rainbow Glitter Girls swingde d'r op los. Op 'n liedje van 'Kinderen voor Kinderen' klapte en danste zi-j hand in hand. De jeugdansgarde was gelukkig nog niet uutgedans. Met de vri-je dans stonde zi-j as pirate op de bühne en deinde iedereen met op de golve. Zi-j ginge zelfs met meekaar in gevech met zwaarde. Vol verbazing keek iedereen toe hoe de dames 't weer presteerde zo’n mooie dans neer te zette. Toen kwam op knallende muziek "Gewoon Maas" de bühne op. Hij zong "Ons Moeder Zeej nog" en iedereen zong met. 't Wier weer duudelijk dat wi-j te make hebbe met 'n ras arties den 'n feesje kan bouwe. Hij moch daorum ook deze fantastische pronkzitting afsluute met 'n zugabe waorbi-j alle deelnemmers nog 'n keer de bühne op mochte veur de finale. Zonder deze toppers van artieste is d'r gin pronkzitting. Zi-j magge trots zun op de prestaties die zi-j hebbe verrich. Jeugprins Nik I en zien gevolg hadde gin bètere pronkzitting könne wense. 't Carnavalsseizoen 2022-2023 is begonne: NOW ZU-J ’T KRIÈGE!

De volgende deelnemmers hebbe0 de pronkzitting mede mogelijk gemaak:
Floor van Hal, Ronja Loskamp, Xavi Elting, Josephine Vink, Floor Baakman, Zoey van de Berg, Julia Verbeten, Sedi van Hal, Kiki Benner, Rhea van de Bosch, Amber Linssen, Meis Visser, Isa Wevers, Mackenzie Young, Coen Crielaart, Fenna Vermaas, Jake van der Zande, Hein Gerritsen, Klaas Meijer, Zara Bogaard, Lieke Vink, Lizzy Krijgsman, Fien Mennings, Liv Besselink, Elize van de Bosch ,Ruby Reimer, Maud Loskamp , Lise Loskamp , Kaat Peters, Noalie Karremans, Ruby Reijmer, Sedi van Hal, Fleur Bloemendal, Lynn Engelen, Puk van Gessel, Merel Notten, Madé Krauts, Amanda Hellwich, Samira te Winkel, Bowie Krijgsman, Veerle Teerlink, Elize Maassen, Mirte van der Post, Pippa Reijmer, Josephine Vink, Niene Bijenhof, Sofia Nijland, Do Dauwerse, Zoëy van de Berg, Floor Baakman, Suze Aaldering, Saar Visser, Robine Hueskes, Lola Vink, Lena Römer, Ize Merx, Tessa van de Bosch, Isa Dauwerse, Noortje Rosendaal, Julie Boers, Sophie Miedema en Maas Wevers.