Op zondag 25 november het 't Waskupenbestuur 'n bezuuk gebrach aan Gerrit Hendricksen. Op deze daotum is Gerrit precies 50 jaor lid van onze mooie vereniging en kreg hij uut hande van veurzitter Roel Diekman 'n jubileumspeld.

In die lange tied het Gerrit van alles gedaon. Zo het hij in de raod van XI gezète, in 1975 volgde 't hoogtepunt en moch hij veurgaon as prins Gerrit I onder 't motto "Gif 't nörges" en is hij ook nog adjudant gewèès bi-j de prinse Joop Meijer en Bernard te Boai-j. .

Daornaos het hij ook jaorelang de geluudswage gereje en was hij veurzitter van de dansgarde commissie.

Op 23 janewari 2016 wier Gerrit benuump tot Senator.

Tigewoordig is Gerrit nog steeds actief bi-j de Zaal en Receptiecommissie en natuurlijk as old-prins.

Uuteraard kon Gerrit dit alles niet doen zonder de steun van 't thuusfront. Zien vrouw Annie kreg dan ook 'n welverdiende bos bloeme.

Gerrit bedank veur alles wa-j al veur onze vereniging heb betekend en wa-j now allemaol nog doet.