De kaartverkoop veur pronkzitting XL is van start gegaon. Nao 't enorme succes van veurig jaor zun de veurbereidinge al weer geruume tied in volle gang um d'r ook dit keer weer 'n spectaculaire aovond van te make.

Pronkzitting XL, dat onder het motto “'t Wier potverdomme wel ’s tied dat ’t carnaval wier of niet” wödt geprisenteerd, vindt op zaoterdag 15 fibrewari 2014 plaats en begint um 20.00 uur in 't Lacosportcentrum. De sporthal wödt weer omgetoverd tot 'n waore Waskupentempel. De zaal is vanaf 19:00 uur los. De kaarte kosten € 10,- per stuk. De jeugpronkzitting “XS” vindt de eigeste dag plaats. De toegang hierveur is gratis en 't programma begint um 13.30 uur.

Pronkzitting XL wordt 'n feesaovond met vol muziek en dans, afgewisseld met korte buuts en dat allemaol deur eige artieste aangevuld met artieste van enkele 'bure'. Muzikaal kump d'r ‘grof geschut’ aan te pas: 't Grenslandorkes, Blaoskapel XL, Awesome en de Barghse Jonges, die allemaol met verschillende gasartieste optrèje. De nummers die wodde gebrach verschille van echte ’s-Heerenbargse carnavalsschlagers tot echte rock- en popklassiekers. Umdat 't fees as 'n aftrap van 't regionale carnaval mag wodde gezien, staon d'r ook artieste van buute de stadsgrenzen op 't podium. Zo zun d'r verschillende artieste uut Stökkum, Zeddam en Braomp te zien bi-j pronkzitting XL.

Pronkzitting XL is slechs 't begin veur al 't moois dat kommende tied geet gebeure in de aanloop naor 't carnavalsweekend in Waskupenstad. Net as veurig jaor wödt iedereen weer verkleed verwach. Kaarte te koop bi-j Kachelhöltjes Partypret of online via www.waskupen.nl.