De kaartverkoop veur Pronkzitting XL is van start gegaon.
Op zaoterdag 4 fibrewari hult carnavalsvereniging d’Olde Waskupen in de sporthal van Laco Sportcentrum eur jaorlijks terugkerende Pronkzitting XL.
Same met artieste uut de hele regio wödt dan de aftrap verrich van 't regionale carnaval in de Achterhoek en de Liemers.

Net zoas veurgaonde jaore het de carnavalsvereniging weer 'n uuteenlopend programma samegesteld met vol verschillende artieste. Muziek en dans voere de boavetoon met deze fees aovend, den in 2012 eur intrede het gedaon. Sinsdien is de aovend ieder jaor nog uutverkoch gewèès en bezochte jaorlijks ruum 1.200 carnavaliste dit evenement. De kaarte veur deze feestelijke aovend zun te koop bi-j Kachelhöltjes Partypret, Resto De Bongerd en Bakkeri-j Diekman en koste €17,50 per stuk. Zoas gebruukelijk is d'r veur oldere en mindervalide ook weer 'n verhoogd zitplek aanwezig. Deze zitplaatse könne de woensdag veur de pronkzitting (1 fibrewari) wodde besproake. De aovend begint um 19:49 uur.

Pronkzitting XS
De jeugdige carnavaliste uut Waskuupstad gève zaoterdagmiddag 4 fibrewari um 13.30 uur 't goeie veurbeeld met opni-j 'n bomvol programma.
'n Grote groep blage is al in volle veurbereiding op deze fantastische middag. Jonge carnavaliste könne zich nog altied aanmelde.
De toegang veur Pronkzitting XS is zoas altied gratis, maor wèès wel op tied, want vol is vol.