Op zaoterdag 11 fibrewari um 19.49 uur steet bi-j carnavalsvereniging d’Olde Waskupen de jaarlijkse pronkzitting XL op 't programma. Artieste uut de hele regio zun weer van de patti-j um in 'n bomvolle Waskupentempel in 't Laco sportcentrum te ‘s-Heerenbarg opni-j de aftrap te gève van 't regionale carnaval in de Achterhoek en Liemers. 

Kaartverkoop
Net as veurgaonde jaore het carnavalsvereniging d’Olde Waskupen weer 'n uutéénlopend programma samegesteld met vol verschillende artieste. Muziek en dans voere de boavetoon deze feesaovond, den in 2012 veur 't eers in deze vorm plaats vond. Sinsdien is de aovond ieder jaar nog uutverkoch gewèès en bezochte jaorlijks ruum 1.200 carnavaliste deze feesaovond. Ook met deze ditie van Pronkzitting XL zun d'r weer enkele zitplaatse. De kaarten, € 12,50 per stuk, zun te koop bi-j Kachelhöltjes Partypret, Resto De Bongerd, bakkeri-j Diekman en via deze website.

Pronkzitting XS
De jeugdige carnavaliste uut ’s-Heerenbarg trappe zaoterdagmiddag 11 fibrewari um 13.30 uur al af met 'n bomvol programma. Al wèke zun de kleine carnavaliste op de buutschool aan 't oefene um op den zaoterdagmiddag hun kunste te laote zien en höre. Opvallend is dat de groep artieste bi-j de jeug steeds groter en breder wödt. 't Beloaf dus weer 'n fantastische middag te wodde met dans en vol (live)muziek. De toegang veur pronkzitting XS is gratis, maor wèès wel op tied, want vol is vol.