Foto: Alfred Kock

Op zaoterdag 31 janewari um 19.49 uur steet bi-j carnavalsvereniging d’Olde Waskupen weer de jaorlijkse pronkzitting XL op 't programma. Artieste uut de hele regio zun d'r um in 'n bomvolle Waskupentempel in 't Laco sportcentrum te ‘s-Heerenbarg weer de aftrap te doen van 't regionale carnaval in de Achterhoek en de Liemers. De kaartverkoop lup als 'n speer. Wèès d'r dus snel bi-j, want op=op en vol=vol!

Net zoas veurgaonde jaore het carnavalsvereniging d’Olde Waskupen weer 'n bont programma opgesteld met vol verschillende regionale en internationale artieste. Muziek en dans voere de boavetoon met deze feesaovond, den in 2012 eur intrede het gedaon. Sinsdien is de aovond ieder jaor nog kats uutverkoch gewèès en bezochte jaorlijks ruum 1.200 carnavaliste de verni-jde feesaovond. Ook now liek dat weer te gebeure, want de kaarten vliege eûver de toonbank.

Met Pronkzitting XL is d'r veur ieder wat wils. 't Programma varieert van Duitse Schlagers tot U2 en van Nederlandse metzingers tot Queen, zodat jong en old zich in 't feesgedruis könne begève. Dit alles gebrach deur meer as 70 verschillende muzikante en artieste uut ’s-Heerenbarg en umstreke.

Met Pronkzitting XL zun d'r ook weer enkele zitplaatse. Op vri-jdagaovond 23 janewari is d'r um 19.30 uur bi-j Grand Café de Snor 't plaatsbesprèke veur dit kleine aantal zitplaatse. Nem hierveur wel ow kaarte met, anders is 't besprèke van 'n plaats niet meugelijk.

Veur deze speciale pronkzittingsaovond den zien weerga niet kent zun de kaarte van € 10,- per stuk te verkriege bi-j Kachelhöltjes Partypret, Resto De Bongerd en via de website van d'Olde Waskupen.

Pronkzitting XS

De jeugdige carnavaliste uut ’s-Heerenbarg trappe zaoterdagmiddag 31 janewari um 13.30 al af met 'n bomvol programma. Al wèke zun de kleine carnavalisten met de buutschool aan 't oefene um op den zaoterdagmiddag hun kunste te laote zien. Opvallend is dat de groep artieste bi-j de jeug steeds groter en breder in te zette wödt. 't Beloaf dus weer 'n fantastische middag te wodde met dans en vol (live)muziek.

De toegang veur pronkzitting XS is gratis, maor ook hier veur geld: wèès wel op tied, want vol is vol.