Carnavalsvereniging d’Olde Waskupen dree-jt nog steeds op de inzet van vol vri-jwilligers en warkende leje. Ook dit jaor zun daar weer 'n aantal ni-je gezichte bi-jgekomme. Wi-j stelle ollie de kommende wèèk elke keer 'n paar ni-je leje veur, te beginne met de volgende twee here.  

 Marcel Ampting

Mien naam is Marcel Ampting geboare en opgevoed in Braomp. Daor he'k 't carnaval viere geleerd van mien vader en onze bure. Naoda-j older wodt gao-j grenze verlegge en gao-j ook ow eige stekje zuuke. Zo kwam ik in Waskupenstad terech waor ik via via eigelijk d'rek bi-j 'n carnavalsgroep actief met bun gaon helpe. Zo zit ik now dus al weer 8 jaor bi-j fiësta.
Ook bun ik veurzitter van onze buurtvereniging Het Drekgat en via deze weg kwam ik deur Jan Heuveling bi-j de Technische Commissie van d'Olde Waskupen terech. 'n Mooi clubje. Zoas ik 't now zie kan ik daor mien steentje wel bi-jdrage.
Ik ben werkzaam as trucktechnicus bi-j Volvo en Renault-trucks dealer in Durekum. Dus de auto techniek zit mien in 't bloed. 

Ajuus, Marcel

Danny Krijgsman

Veur degene die mien eûver de kop gezien hebbe: ik bun Danny Krijgsman. In 2013 bun ik gekoaze as Prins van d'Olde Waskupen en regeerde toen as Prins Danny I. 't Jaor daor veur moch ik al Adjudant zun bi-j Prins Patrick I. De afgelopen 2 carnavalsjaore ware niet alleen geweldig, maor ook zeer indrukwekkend. Ik heb de carnavalsvereniging van 'n andere kant met magge make en dat is mien heel goed bevalle.
Carnaval is mien met de paplèpel ingegoate. Altied met geholpe met wagebouwe, 'n eige carnavalsgroep opgerich, gi-j könt wel zegge dat ik 'n carnvalsgek bun. Ik bun dan natuurlijk ook heel arg bli-j dat ik now lid mag zun van d'Olde Waskupen.
In 't dagelijks lève ben ik warkzaam as tegelzetter. Gin standaard tegelwark maor mooie en aparte projecte bi-j veurnamelijk particuliere. Afwisselend wark met dankbare klante wanneer d'r weer 'n mooi eindrisultaat opgeleverd is.
In mien vri-je tied spol ik trompet bi-j 2 orkeste: de Wiksbössels en 't Grensland Orkes. Bei-je totaal verschillend, dat mik 't juus leuk. Niet alleen feesmuziek, maor ook 't begeleide van de Barghse Jonges en de XL-feeste. Ook in mien hobby dus vol afwisseling. Veur mien 'n leuke ontspanning.
Now 'n ni-je ontspanning en uutdaging: as warkend lid van d'Olde Waskupen mien bes gao doen veur horeca commissie!

Groete Danny Krijgsman