De kaartverkoop veur de pronkzittinge van carnavalsvereniging d’Olde Waskupen geet op zaoterdag 1 oktober van start!
Op vri-jdag 11 en zaoterdag 12 november trappe wi-j 't ni-je carnavalsjaor af in de sporthal van sportcentrum Laco. 'n Feestelijke aovond vol met muziek, dans, buuts én de prissentatie van de ni-je prins.
Belèèf same met ow vriendegroep, straot of buurt de carnavaleske sfeer waor Waskuupstad bekend um steet. De toegangskaarte, à € 10,- per stuk, zun te koop bi-j Kachelhöltjes Partypret, Resto de Bongerd en Bakkeri-j Diekman.

Pronkzitting 11 en 12 november
De commissies van d’Olde Waskupen zun al weer maonde bezig met de veurbereidinge van de pronkzittinge um 't publiek 'n enerverend programma veur te schötele. Ook dit jaor hebbe d’Olde Waskupen weer 'n uuteenlopend programma op papier gezet veur de carnavaliste uut ’s-Heerenbarg en umstreke. Olde bekende, maor ook ni-je talente betreje de bühne. Dans, buuts en muziek zun de drie belangrijkste pijlers van deze carnavalsaovond. De buutreedners drèèje zich al wèèke warm en alle muzikante zun begonne met de ripetities um de muzikale umliesting te veurzien van 'n golden rendje. De dansgarde's van d’Olde Waskupen traine zich al maonde in 't zweit veur hun spectaculaire danse. 't Hoogtepunt van de aovond wödt ongetwiefeld de prinsprissentatie, waor nao maonde van geruchte dan eindelijk duudelijk geet wodde wie de ni-je prins van Waskuupstad wödt. Onder 't motto ‘Now zu-j ’t kriège’ wödt d'r zo 'n begin gemaak aan 't ni-je carnavalsjaor. Wèès d'r bi-j en trommel de res op, wi-j gaon beginne!

Umruile zaoterdagticket novemberpronkzitting 2021
Veurig jaor kon vanwège 't coronavirus en bi-jbehörende lockdown op zaoterdagaovond gin pronkzitting plaatsvinde. Carnavaliste die veur deze aovond 'n toegangskaart hebbe gekoch könne deze umruilen bi-j onze verkooppunte veur 'n ni-j zaoterdagkaart veur de kommende novemberpronkzitting. De kaarte van veurig jaor motte hierbi-j fysiek in wodde geleverd.

't Plaatsbesprèke veur de vri-jdag-en zaoterdagavond vindt plaats op woensdagaovond 9 november um 19:30 uur bi-j Eetcafé en Zalencentrum de Gracht.

Jeugpronkzitting
De pronkzitting veur de jeug vindt plaats op zaoterdagmiddag 12 november. In onze buutschool wödt al 'n aantal wèèk hard geoefend en ook dit jaor het onze jeugcommissie 'n mooi programma met muziek en dans veur alle carnavaliste in petto. Met de jeugpronkzitting wodde de ni-je jeugprins, den de scepter geet zwaaie eûver Waskuupstad, en 't jeuggevolg bekend gemaak. Onze jeugpronkzitting begint um 13:30 uur en de toegang hierveur is gratis.