Afgelope periode is 't olde holtwolcementplatenplafond met piepschoem isolatie uut de kantine van de Gerrit Heuvelinghal weggehaald, umdat deze slech geluudsisolerend was.

'n Aantal vakmanne van de technische commissie zun daornao aan de slag gegaon met de opbouw van 't ni-je gipsplate plafond. Tusse de ni-je regelwarkconstructie is zachte steenwol ('n goeie geluudsisolatie) aangebrach, met daoronder weer folie en panlatte. De gipsplate zun d'r onder geschroef met langs de wande 'n koof veur de indirecte verlichting. Boave de taofels zun ook koven aangebrach waorin verschillende spots zun geplaats, zodat bi-jveurbeeld bi-j vergaderinge ook hier voldoende verlichting aanwezig is en iedereen ook goed kan zien wat d'r gezeid wödt. Natuurlijk is 't één en ander afgewark met de schilderskwast en kitspuit en zit d'r 'n ni-j behangetje tege de wand.

De twee vergaderinge per jaor waorbi-j stemverheffing neudig zun könne weer plaatsvinde zonder dat onze boaveburen hier las van hebbe. De eûverige vergaderinge waorbi-j veural 't harde lache tot eûverlas kon zörge zun ook al weer ingepland. 'n Goeie graodmèter of al 't wark niet veu niks zun uitgevoerd en de geluudsisolerende veurzieninge warke is de jaorlijkse vergadering met alle acquisiteurs van de Waskuup den end van deze maond op de planing steet.