Zojuus bereikte ons 't tragische berich dat Robby te Boai-j ons in de bleû-j van zien lève ontvalle is.

Robby, 48 jaor jong en in 't dagelijks lève trotse familievader en leraar aan 't Ludger College in Deurekum, was 'n carnavalis in hart en niere en boavenal een begenadig entertainer.

Same met zien nèèf Hans te Boai-j het Robby (net as hun vaders) op de bühne van d' Olde Waskupen prachtige luusterliedjes ten gehöre gebrach, hierbi-j hadde de twee nève veural oog veur de mooie erfenisse 'uut de olde doos'. Met deze momente wis Robby altied de juuste snaar te rake, gevuulig of humoristisch!

Hilarisch ware de types waormet Robby op zien eige zo kenmarkende manier de zaal wis te boeie as buutreedner. Robby bezörgde ons daormet vaak treûn in de oge, van 't lache wel te verstaon.

Vandaag het Robby ons weer de treûn in onze oge bezörg. Alleen is 't lache ons now wel vergaon. Rus zach!

Gi-j bunt uut ons midde genomme maor wi-j vergète ow nooit. In gedachte zun wi-j bi-j ow vrouw en kindere en wense hen en zien familie, alle krach toe die zi-j op dit moment en in de toekoms hard neudig hebbe.