Op maondag 28 oktober hield CV d’Olde Waskupen eur jaorlijkse Buurte- en Straote vergadering bi-j Grandcafé De Snor. Alle buurte, straote en vriendegroepen uut ’s-Heerenbarg ware hierbi-j hartelijk welkom um van gedachte te wissele met onze vereniging. Helaas lup 't aantal bezuukers sinds 'n paar jaor terug. Met onderstaond uutgebreid verslag wille wi-j nogmaals 't belang van deze aovond en vergadering belichte.

Veurzitter Theo Mijne oapende de aavond met 'n aantal dinge vanuut de vereniging. Zo is dit 't letste jaor dat Theo Mijne veurzitter van de carnavalsvereniging is. Nao 13 jaor bestuurslid, waorvan 9 jaor as veurzitter, is 't tied um 't stökske eûver te drage. As de lejevergadering van d’Olde Waskupen 't wil wödt 't veurzitterschap in september 2014  eûvergedrage aan Eugène te Wildt. De tied vanaf now tot en met dat moment wödt gebruuk veur eûverdrach van kennis en ervaring.

Theo blik terug op 'n geslaag carnavalsseizoen en 'n prachtige optoch, maar wel één met 'n zwat rändje i.v.m. 't eûverli-je van ons warkend lid Paul Messing met de optoch. Hij lei-jt uut waorum wi-j as vereniging dree-jbuuk hebbe veur dit soort onvoorziene situaties en hoe de dree-jbuuk van d’Olde Waskupen de regie eûvernemme as dit neudig is. Ook de familie van Paul het aangegève dat de dree-jbuuk met 't incident maor ook daornao 'n goeie indruk op hun hebbe achtergelaote. Theo gif aan dat d’Olde Waskupen 'n ni-je koers zun ingeslage v.w.b. 't prinsschap, waorbi-j de opzet is gewèès dat iedereen den 't wil en 't in zich het Prins van d’Olde Waskupen te zun dat mot könne wodde. Tot now toe ware de financiën veur vol minse reje um niet veur 't prinsschap te kieze, maor deur de ni-j gekoaze opzet zun de koste veur 't prinsschap enorm gedaald waordeur 't veur vol minse wel te doen is. Ook is uutleg gegève eûver de innovatiecommissie. 'n Commissie den in 't lève is geroepe um d'r veur te zörge dat de vereniging zich blif aanpasse aan de toekoms en klaor is veur de toekoms. Onze veurzitter het nog 's extra aangedu-jt dat 't veur iedereen meugelijk is um lid te wodde van de vereniging (dus tege alle veuroordele in ook veur vrouwlu-j). Veurop steet dat de vereniging alleen warkende leje kent, dus 'n lidmaatschap “verplich” tot 't verrichte van warke veur de vereniging. 

De veurzitter van de optochcommissie, Han Èvers, keek terug op 'n geslaagde optoch en gif complimente aan de optoch deelnemmers eûver 't aangepaste volume van de muziek. De afgelope jaore ware hiereûver meerdere klachte binnegekomme en same met de optochdeelnemmers is hiernaor gekèke en zun dinge aangepas. Dit het deur veur gezörg dat d'r gin enkele klacht eûver 't geluud met de optoch van 2013. Veur de optocht van 2014 hebbe de eerste groepe zich alweer aangemeld. Han gif nog 'n keer aan dat 't vann belang is um ow vroeg op te gève umdat op den manier 't ‘idee’ en de uutvoering geclaimd kan wodde. Daormet veurkom gi-j dat gi-j nao enkele maonde bouwe inens niet met mag doen of vol mot verandere umdat 'n andere groep 't zelfde idee en dezelfde uutvoering het maor zich wel het aangemeld waordeur deze groep ‘beschermd’ is.

Sinds 2013 gaat 't bestuur niet meer same met de prins en hofholding op buurte- en straotebezuuk op carnavalszaoterdag. Theo lei-jt uut dat hierveur gekoaze is um meer tied te make veur 't bezuuk zelf. Tot veurig jaor kwam d'r bi-j bezuuk aan buurte en straote inens 'n kats grote groep binne die maor köt kon blieve. Deur 't bezuuk van prins en hofhouding en bestuur komen now los te koppele komme d'r 2 x kleinere groepe die los van mekaar hun bezoektied könne indele. Verzuukskes veur 'n bezuuk van de Prins en zijn hofholding könne wodde gerich aan Dit E-mail adres wordt beschermd tegen spambots. U moet JavaScript geactiveerd hebben om het te kunnen zien..

Op 15 november is d'r 'n samezun in de Krèmer-hal. De hal den deur de familie Krèmer beschikbaar gesteld wödt veur de jonge wagebouwers. Alle politieke parti-je die metdoen aan de gemeenteraodsverkiezinge van 2014 zun hierveur uitgeneudig. De financiële middele die de gemeente veur de bouwlocaties eûver het lope op 'n end en of d'r opni-j geld vri-j kump is aan 'n ni-j college. 't Bestuur van d’Olde Waskupen is bezig de verschillende politieke parti-je d'r van te eûvertuuge dit punt in hun programma’s op te nemme zodat d'r nao de verkiezinge in 't raodsprogramma en collegeprogramma aandach veur is en blif.

D'r is 'n wachlies veur groepe die graag wille bouwe in de Krèmer-hal. A-j as groep probleme heb met 't vinde van bouwruumte, meld ow dan in elk geval aan zoda-j op de wachlies kom. Dat kan via 'n mail aan Dit E-mail adres wordt beschermd tegen spambots. U moet JavaScript geactiveerd hebben om het te kunnen zien..   

De rondvraag leverde gin ni-je vraoge of informatie op waornao de veurzitter de vergadering het gesloate, maor niet veurdat hij iedereen bedankte veur hun aanwezigheid.