Wat 'n ontzettend leuk jeugcarnaval het Jeugprins Tieme I met zien gevolg magge belève. Um 'n indruk te kriege, hoe hij 't afgelope carnaval het belèèf, het de jeugcommissie 'n aantal vraoge aan um gesteld.

Hoe he-j 't ervare um Jeugprins te zun? 
't Was 'n droom den uutkwam. 'n Grote verrassing da'k was gekoaze as jeugprins van d’Olde waskupen. 'n Super leuke ervaring.

Wat vo-j van 't bezuuk aan de schole? 
't Bezuuk aan de schole was heel arg leuk. Wi-j wiere eûveral enthousiast ontvange en op alle schole was 't ech fees.

He-j 'n leuk Gevolg gehad? 
De adjudante en jeugpresident zun echte vriende van mien gewodde. De res van 't gevolg was ook erg aardig. We ware één team met zien alle.

Wat vo-j van 't Blagebal? 
Het blagebal is elke keer weer 'n leuke belèving. Alle kindere en olders doen dan lekker gek. Erg leuk allemaol.

Gi-j heb vol onderscheidinge magge weggève. Zate d'r bisundere momente bi-j? 
De onderscheidinge die ik moch umhange bi-j de verschillende minse hadde vaak 'n bisundere betekenis veur mien en de adjudante of de jeugpresident. Umdat deze um 'n bisundere reje wodde gegève. Dat is arg leuk um te magge doen.

He-j genoate van de optochte op zondag en maondag? 
Jazeker. 't Ware weer leuke optochte. Maor de optoch op maondag was toch wel spannend. Dit umdat wi-j niet wiste of 't weer wel goed zol blieve. Gelukkig is dit ook allemaol goed gekomme.

Hoe vo-j 't op de Prinsewagen en was 't snoep streu-je leuk um te doen? 
Boave op de prinsewage staon same met Prins Wim II was 'n leuke ervaring. Veur da-j 't in de gate heb is de tied alweer veurbi-j.

Hoe was 't um in de rommeloptoch met te lope?
Helaas viel de rommeloptoch dit jaor in 't water. D'r was gin muziek aanwezig en d'r stonde weinig minse langs de kant van de weg. Jammer dat  deur de rège deze dag 'n bietje anders is verlope.

He-j nog goede tips veur de toekomstige Jeugprins?
Gi-j mot gewoon normaal doen en vol plezier hebbe. 'n Goeie veurbereiding is wel 't belangrijkste, want dan ku-j met de carnaval geniete. Het is iets da-j nooit meer vergèèt.

Jeugprins wodde of deelnemme aan 't gevolg van de Hoogheid is 'n ware happening. Dat vergèèt gi-j ow lève niet meer. Gi-j kunt ow now al digitaal opgève via (www.waskupen.nl). Veur meer info ku-j ook terech bi-j de veurzitter van de jeugcommissie, Vincent Surenbroek. Hij is te bereike onder tillefoonnummer 06-48885318.