Vanwège de weersumstandigheje moes helaas 't besluut wodde genomme um de optoch op carnavalszondag af te gelaste. 

d’Olde Waskupen hebbe besloate um van de ‘Grote Optoch’ en de ‘Kinderoptoch’ één mooie optoch te make den op carnavalsmaondag um 14:11 uur zal starte.

Alle deelnemmers könne vanaf 13.30 uur hun jurynummer afhale bij Restaurant Smouzen. 't Opstelle gebeurd vanaf 12.30 uur op de Slotlaan. De deelnemmers stellen zich op in 't vak volges 't vaknummer op de ‘gruune kaart’. Aan grote wages die veuraan staon 't verzuuk op tied op te stelle.

De groepe van de Kinderoptoch könne zich um 12.30 uur bi-j Restaurant Smouzen melde bi-j de Optochcommissie en kriege 'n passende plek in de optoch.

De optoch begif zich via de Slotlaan en de Peeskesweg naor de Stökkumseweg. Vanaf dat punt wödt de gebruukelijke route van de Kinderoptoch aangeholde!

Deze route is te lèze op deze webpagina. De optoch eindig bi-j 't Stadhuus in 't centrum waor de jury de uutslag meteen nao de optoch bekend mik.

Ondanks de tegeslag van vandaag is d'r nog genoeg carnaval te viere in de horecagelegenheje in Waskuupstad. Carnaval in Waskuupstad blift Allejeekes Gèèf!