De jaorlijkse vergadering van carnavalsvereniging d’Olde Waskupen met buurte, straote en andere carnavals/vriendegroepe vindt dit jaor op maondag 24 oktober plaats. Alle groepe die jaorlijks 't grote fees compleet make in Waskuupstad zun van harte welkom.

Op maondag 24 oktober vanaf 20.00 uur vindt de jaorlijkse vergadering veur buurte en straote plaats bi-j Grandcafé de Snor in ‘s-Heerenbarg. Net as veurig jaor zun niet alleen de buurte en straote uutgeneudig, maor ook de vriendegroepe en andere bouwgroepe die jaorlijks hun bes doen um de carnaval, de pronkzittinge en de optoch in Waskuupstad vorm te gève.

Op den aovond wödt d'r informatie verstrek eûver de verni-jde opzet van de pronkzittinge, de regelgèving en ontwikkelinge rondom de optochte en 't carnaval in 't algemeen. Ook könne dan 'n aantal gratis toegangskaarte veur de pronkzitting van zaoterdag 5 november in ontvangs wodde genomme.