De dansgardes van d’Olde Waskupen zun op 't dansgardeconcours in Westervoort arg succesvol gewèès. Met drie eerste plaatse, 'n tweede plaats en 'n aanmoedigingsprijs hebbe de dames en meiden arg goed gepresteerd. 

De beide Funkenmariechen, Noa Angenent en Jeltske Jansen, behaalde bei-je 'n eerste prijs. Noa bi-j de jeug en Jeltske in de hoofgroep. De jeugdansgarde behaalde bi-j de vri-je dans ook 'n eerste plaats. Bi-j de gardedans had de ’s-Heerenbargse jeugdansgarde pech. De CD-speler haperde, waordeur 't veur de jonge dames moeilijk was um de dans te doen. Daordeur eindigde de groep op de vierde plaats. Wel kreg de jeugdansgarde de aanmoedigingsprijs.

De dansgarde, die altied eur kunste laote zien met de aovondpronkzittinge, eindigde bi-j de gardedans op 'n tweede plaats. Bi-j de vri-je dans wiere de dames vijfde. In den categorie was 't verschil met de nummer twee slechs 'n paar puntjes.