‘t Carnavalsjaor 2015 mot nog beginne of de old-prinse van d’Olde Waskupen holde zich alweer bezig met ‘t carnavalsmotto veur 2016. Iedereen den ‘n leuk motto veur dat jaor bedenk, kan den inlevere bi-j Kachelhöltjes Partypret, Eètcafé De Bongerd, één van de old-prinse of per email: Dit E-mail adres wordt beschermd tegen spambots. U moet JavaScript geactiveerd hebben om het te kunnen zien..

Bezuukers van de pronkzittinge van volgend weekend wödt ‘t helemaol gemakkelijk gemaak. Op de taofels ligge ook dit keer weer formuliere, waorop de motto’s ingevuld könne wodde. De briefkes könne den eigeste aovond in ‘n bus wodde gedaon den bi-j de ingang van de zaal steet. Köt nao de pronkzitting XL in janewari gaon de old-prinse uut de inzendinge ‘n keus make. De bedenker van ‘t motto 2016 krig met de oapening van ’t betreffende carnavalsfees ‘n oorkonde en ‘n onderscheiding uutgereik. ‘t Motto veur 2016 wödt op Aswoensdag bekend gemaak via de wèèkkrante en natuurlijk deze site.