Met jeugprins Xavi I veurop hebbe alle jonge carnavaliste in Waskuupstad van 'n zommers carnavalsfees könne geniete.
Op maondagmiddag nao de rommeloptoch kwam d'r 'n end aan 't fees veur jeugprins Xavi I en zien gevolg met 't popverbrande. 
Iedereen het könne zien dat Xavi 'n mooie tied het gehad met zien gevolg.

Veur alle jonge Waskuupkes en Waskuupinnekes was 't 'n fantastisch carnaval. De prachtige herinneringe blieve um en zien gevolg altijd bi-j.
d’Olde Waskupen motte dus weer op zuuk naor 'n ni-je jeugprins(es) en gevolg die wi-j op zaoterdag 12 november prisentere met onze jeugpronkzitting. 
Gi-j könt ow now opgève via onze website met 't aanmeldformulier jeuggevolg.

Vraog altied ow olders um toestemming.
Wie wödt de nieuwe jeugprins(es) veur 2022/2023? Misschien gi-j wel!
Gi-j könt ook deze fantastische ervaring metmake deur ow aan te melde veur 't gevolg. Meld ow now aan, want gi-j gaot daor zeker gin spiet van kriege.
Op zaoterdagmiddag 12 november a.s. komme wi-j d'r met de jeugpronkzitting achter wie as jeugprins(es) 't aankommend carnavalsjaor zal regere.

Hol gi-j van carnaval en vind gi-j 't leuk um op de bühne te staon? Meld ow dan aan veur de buutschool!
Hierbi-j wod gi-j geholpe um de hele zaal op zien kop te kriege met onze jeugpronkzitting.
Nao 'n welverdiende zommervakantie oapene wi-j de deure van onze buutschool weer. Onze jeugbegeleiders helpe ow of ow gruupke met 'n spetterend optrede. 
Dus wil gi-j graag de hele zaal op zien kop zette deur op de bühne 'n feesje te bouwe? Meld ow dan now aan veur de buutschool van d’Olde Waskupen via 't aanmeldformulier buutschool
De daotums waorop wi-j met de buutschool oefene make wi-j gauw bekend.