Onze mooie vereniging telt weer 5 ni-je leje, die stelle zich graag efkes veur.

Henk Groote

Veur diegenen die mien nog niet kenne wil ik mien efkes veurstelle. Ik ben Henk Groote, geboare te Hoogeveen en op mien 5e zun wi-j verhuus naar Deurekem waor ik tot mien 25ste gewoond heb.
In 1982 bun ik getrouwd met Anita Reessink en bun ik in ’s-Heerenbarg komme wone. Same hebbe we 'n dochter Michèlle.
Ik heb ongeveer 40 jaor bi-j de Landmacht op diverse locaties in diverse functies gewark; mien lètste functie was hoof personeelszaken in Eiberge.
In 2007 en in 2013 bun ik uutgezonde gewèès naor respectievelijk Kabul en Kandahar in Afghanistan.
Sins fibrewari 2014 bun ik met lèèftiedsontslag en kan ik mien vri-je tied aan meer en andere zake wi-je. Ik bun sins 2014 veurzitter van Harmonie Crescendo en sikretaris van de Grenslandrijders. Daornaos bun ik ook arg geïnteresseerd in politiek, sins 2004 bun ik gemeenteraodslid, eers in de gemeente Bargh en sins de herindeling in de gemeente Montferland.
Vanaf janewari 2016 kan ik ook 'n deel van mien vri-je tied spendere aan onze toekomstige kleindochter waor ik mien ontzettend op verheug!

Michael Krijgsman

Geachte carnavaliste,
Bi-j deze stel ik mien efkes veur. Ik bun 42 jaor geleje in 't mooie Rotterdam geboare. Nao ongeveer 6 jaor hadde pa en ma d'r genoeg van daor in Rotterdam en zun wi-j verhuus naar carnavalsstad nr. 1 van de Achterhoek/ Liemers, ‘s-Heerenbarg. 

Hier heb ik veur 't eers kennis gemaak met carnaval. In mien beginjaore liep ik nog met, met de optocht, met de Hangaarts. Later, toen ik de geneugte van 't lève had lere kenne, met de mooiste carnavalsgroep den d'r bestaat, namelijk No Future Boys. Inmiddels is den groep, waor heel Waskupenstad van het könne geniete, opgeheve en eûver gegaon in weer zo’n fantastische groep, Future Boys. 
Zoas vol minse al wel wette heb ik 't genoege gehad um nève 'n grote, kleine prins 't carnaval 's van 'n andere kant te bekieke. Met ups en downs is dit 'n geweldige ervaring gewèès den ik zeker niet had wille misse. 
Sinds de XL- pronkzitting dit jaor heb ik al wat werkzaamheje verrich veur de horecacommissie en dat is mien zo goed bevalle dat ik graag meer zol wille doen veur deze club. 
Zoas iedereen wel wet steet achter 'n geweldige kerel en nog geweldigere dame en in mien geval zun dat d'r twee. Ik bun namelijk gelukkig getrouwd met 't bloemenmèèdje van de Oase, Leonie. Same hebbe wi-j 'n wolk van 'n dochter die inmiddels ook is aangestoake met 't carnavalsvirus. 
Zo genoeg eûver mienzelf. A-j nog wat wil wette dan vraog 't mien maor. 

Remon Verstegen

Ik bun Remon Verstegen. Geboare en getoge in 's-Heerenbarg, met uutzondering van 'n kötte periode gewoond te hebbe in Zèvenaar. Niks ten naodele van den plaats, maor ik vuul mien in 's-Heerenbarg gewoon thuus. In 't dagelijkse lève wark ik as senior beleidsmedewarker van 't team vergunninge, toezich en handhaving veur de gemeente Westervoort. 'n Hele mond vol en in tegestelling tot wat de meeste van ambtenare denke, bun ik daor ook nog behoorlijk druk met. In mien vri-je tied bun ik lid van de bouwgroep van de Mariabasisschool en zit ik in de organisatie van de Montferland Run. De meeste vri-je tied bun ik (met vol plezier) kwiet aan 't lidmaatschap van de gemeenteraod van Montferland, waor ik deel uutmaak van de VVD-fractie. 
Al zo'n jaor of zes help ik bi-j 't klaormake en opruume van de spothal veur de "gewone" pronkzittinge en de XL versie. Sins 'n jaor of vier bun ik één van de floormanagers (of ma-j die nog toneelknechte nuume?). Daornaos vier ik natuurlijk ook nog gewoon carnaval. As warkend lid hoap ik mien steentje te könne (blieve) bi-jdrage aan 'n geslaagde carnaval veur iedereen!

Ruud Lubbers

Hallo carnavalliste,
Mien naam is Ruud Lubbers  49 jaor, getrouwd met Astrid en same hebbe wi-j twee kindere. 'n Dochter Rinske van 15 en 'n zoon Tieme van 11 jaor. Mien hobby’s zun voetbal en carnaval. As jeugleider ben ik vaak te vinde op 't voetbalveld bi-j MvR.
De lètste 5 jaor bun ik actief met 't begeleide van 't jeuggevolg van cv. d’ Olde Waskupen. Ook bun ik vaak te vinde bi-j de Buutschool op de zondagmarge.
Daornaos afgelope 3 jaor actief gewèès bi-j 't ondersteune en begeleide van onze zoon Tieme den toen jeugpresident was.
Carnavalsgroete aan iedereen en “Zo géét dat!“

Pascal Rutjes

Mien naam is Pascal Rutjes, ik bun 21 jaor old en woon in ’s-Heerenbarg. In 't dagelijks lève wark ik in 'n supermark en bun now nog bezig met 'n opleiding veur filiaalmanager. Vanaf jongs af aan bun ik al betrokke gewèès bi-j deze verenging. Bi-j de jeugpronkzittingen heb ik 'n aantal kere op 't podium gestaon, maor tigewoordig bun ik vaker achter 't podium te vinde en begeleid ik bi-j de jeug de toneelknechte. Bi-j de pronkzittinge veur de grote bun ik actief as toneelknech. Ook vind ik 't leuk um in 't weekend op 't voetbalveld te staon. Dit doe ik bi-j vv Stökkum.