Zaoterdag 11 juli trok 'n grote groep carnavaliste verkleed naor grenscafé De Peer um veur de vierde keer te geniete van de jaorlijkse Debuut aovend. De debuut aovend wödt deur de Buutcommissie georganiseerd as bedankje veur alle minse die de afgelope jaore op of achter 't podium actief zun gewèès met de pronkzittinge en pronkzitting XL. 't Is 'n aovond vol muziek, fees, maor veural de gezelligheid steet hoog in 't vaandel.

De debuut aovond is bi-j uutstek 'n aovond waorop ook vol ni-je ideeje ontstaon veur de kommende pronkzittinge. Onder 't genot van 'n biertje praote de verschillende carnavalliste nao eûver optrejes waoruut de buutcommissie weer vol ni-je inspiratie kan hale.

De debuut aovend zo gin fees zun zonder 'n spölelement. Dit keer was de organisatie hiervan in hande van enkele dames van de buutschool, Renske, Mardy en Angela. Waor eerder kledingslingers gemaak moeste wodde of zelfs limericks geschreve, wier d'r dit keer deur de organisatie 'n beroep gedaon op de danskunste en de kennis eûver de jeugpronkzittinge. Iedere groep moes 'n dansje instudere dat in de afgelope jaore met de jeugpronkzitting opgevoerd is en 'n vraogelies invulle met enkel en alleen vraoge eûver de jeugdpronkzitting.

Uuteindelijk ging de eûverwinning naor groep 4. Ilse en eur zes manne, Erik, Maarten, Xander, Tim, Pascal en Sjaak mochte dan ook 'n mooi prijsje in ontvangs nemme.

'n Speciaal woord van dank geet uut naor Harry en Riet IJzermans, die veur deze aovond hun café ter beschikke hebbe gesteld.  t 'Blèf nog lang onröstig aan de grens en veur volgend jaor steet de volgende debuut aovend al weer op 't programma. Zo geet dat!