De 5eeditie van de pronkzitting XL, den 23 jannewari aanstaonde plaatsvindt, is, net as de veurgaonde 4 edities, kats uutverkoch. Waor de veurgaonde jaore één wèèk van teveure nog wat kaarte te kriege ware, zun deze dit jaor in recor tempo eûver de toonbank gevloage.
Op eerste kesdag bereikte ons 't droevige berich van 't eûverli-je van Willem Straub. Willem was 'n Olde Waskuup in hart en niere en het 't carnaval, zowel in zien buurt, de Ketjesstraot, as bi-j onze carnavalsvereniging d'Olde Waskupen, altied gedrage en met volle teuge genoate. Willem is jaore lang actief gewèès in de buut-ton met onze pronkzittinge en actief deelnemmer van de optocht. In de beginjaore vormde Willem 'n duo same met zien maot Bart Daals, de lètste jaore stond Willem in zien ééntje zien menneke op de Waskupenbühne. Met zien scharpzinnige humor en netzo bewoordinge gaf Willem op 'n onmiskenbaore manier zien kiek op de lokale zake weer, waorbi-j hij d'r niet van hield um heilige huiskes eûverend te holde of te spaore. Willem was Willem en Willem is altied Willem gebleve.
Bestuur en leje van carnavalsvereniging d'Olde Waskupen zulle um en zien humor misse en wense zien vrouw Yvonne en de kindere alle krach en starkte toe.
't Carnavalsfees van 2016 mot nog in alle hèvigheid losbaste, maor toch hebbe d'Olde Waskupen hun pijle ook al weer gerich op 2017. Traditioneel kieze de old-prinse ruum veur de tied al 'n motto veur 't volgende carnavalsjaor. 't Is now nog steeds meugelijk um 'n motto aan te drage veurr 2017. Wödt ow motto gekoaze, dan ontvang gi-j daorveur 'n speciale onderscheiding!
Weet gi-j 'n mooi, passend motto veur 2017, dan ku-j deze maile naor
Met de pronkzitting van vri-jdag 6 november wier Prins Wim II geprisenteerd. Hiervan het StadsTV Bergh de volgende opname gemaak.
De optochcommissie is op zuuk naor minse die de grote optoch wille begeleide. He-j hier ore naor dan ku-j veur vraoge of ow aanmelding terech bi-j de veurzitter van de optoch commissie Han Evers via
