Met de Pronkzittingen XS en XL hebbe vol minse de eerste fanartikele van d’Olde Waskupen aangeschaf. Wi-j waardere 't dat d'r met zovol enthousiasme is gereageerd. Deur de aanschaf van deze artikele draag gi-j de vereniging 'n warm hart toe! Wi-j ontvinge meteen nao de Pronkzittingen e-mailberichte met de vraog waor de artikele te koop zun. Natuurlijk wille wi-j alle carnavaliste de kans bie-je um d’Olde Waskupen artikele aan te schaffe.

Ruum 1.200 carnavaliste ware afgelope zaoterdag getuuge van 'n enerverende aovond vol live muziek en spetterende dansacts met de geheel uutverkochte Pronkzitting XL. Um de invulling veur 't regionale carnaval nog completer te make zörgde carnavalsvereniging d’Olde Waskupen veur 'n zeer gevarieerd programma met vol bekende maor ook ni-je gezichte. Meer as 80 vri-jwilligers en muzikante uut de regio betrao-je 't podium en brachte op geheel eige wieze 'n nummer of dans. 

Veurig jaor is geblekke dat steeds meer carnavaliste de prestatietoch van d‘Olde Waskupen op carnavalsdinsdag de moeite weerd vinde. D’r ginge 351 feesvierders op pad en dat ware d’r dik honderd meer as ’t jaor daorveur. De eigeste nege horecabedrijve die veurig jaor metdei-je hebbe now de deur ook weer op tied los. De organisatie en de bedrijve bun op nog meer vrolijke lu-j veurbereid.

Tusse 11.11 uur en 11.55 uur kö-j bi-j Café ’t Olde Veld de startkaart ophale, ow eerste stempel laote zette en dan in willekeurige volgorde ow route lope. Wel mo-j d’r veur zörge da-j um 17.00 uur bi-j de Peer, de Dolle Graaf, de Snor, de Grach, Smouze, Snackrestaurant Stadsplein, Heitkamp en de Lantscroon bunt gewèès um ow kaart af te laote stempele. Nao 17.00 uur wödt d’r dus niet meer gestempeld.

Met de uutverkochte Pronkzitting XL is 't veur de bezuukers meugelijk um veur 't eers kennis te make met de offisjele d'Olde Waskupen artikele. In de speciale kraom ku-j dan sjaals, oapeners, viltjes, vlagge, armbande, pins en nog vol meer Waskupen artikele vinde. Stuk veur stuk exclusieve dinge die gin enkele Waskuup missteet. 

Veur Pronkzitting XL zun 'n beperk aantal zitplaatse. Daorum is d'r de meugelijkheid um op woensdag 20 jannewari 2016 bi-j Grand Café De Snor plaatse te besprèke. Plaatse könne alleen besproake wodde veur minse die older zijn as 55 jaor of slech ter been zun. De uutgifte van de lötjes begint um 19.45 't plaats besprèke um 20.00 uur. Let op, nem de toegangsaarte met want zonder kaarte wodde d'r gin lötjes uutgegève.