Zondagmarge 8 jannewari was ‘t hèvig druk bi-j de soos. Niet umdat d’r ‘n tourtoch wier geholde maor umdat de buutschool met alle kindere aan ‘t oefene was veur de jeugpronkzitting XS. Onder ‘t toeziend oog van prins Eckhard I en zien gevolg wedde de mooiste optredes gegève met zang, dans en buut.

Gerard Geers wier nog deur de Hoogheid onderscheide veur zien jaore lange inzet bi-j de jeugcommissie. Gerard is al sins 1974 lid van deze commissie en schrif de tekste veur de jeugpresident. Prins Eckhard I kèk al uut naor de jeugpronkzitting XS den zaoterdagmiddag 11 fibrewari um 13.30 uur begint want met zovol talent in de 's-Heerenbargse jeug kan ‘t niet anders dan ‘n geslaagde middag wodde.

Ook wödt den middag de jeugcarnavalis veur 2017 bekend gemaak wat de hoogste onderscheiding is binne de jeugcommissie. Jeugprins Timo I en zien gevolg hoape ollie dan ook te verwelkomme um dit geweldige fees same met hun te viere.