Op zaoterdag 11 fibrewari um 11 minute veur 8 is 't weer zowiet. Dan steet de jaorlijks terugkerende Pronkzitting XL weer op 't programma bi-j d’Olde Waskupen. 'n Aovond vol dans en muziek, waarmet 't startsein veur 't regionale carnaval gegève wödt. Nao vijf uutverkochte edities löp de kaartverkoop ook dit jaor weer storm en zöt 't d'r naor uut dat de kaarte eind van deze wèèk al weer uutverkoch zun.

Tientalle muzikante uut de gehele regio staon weer op de bühne um 'n bomvolle spothal te vermake. Van luusterliedjes tot 'n heuse drumband. D'r is veur ieder wat wils, want 't muzikale deel nimp de bezuukers met van olde klassieke carnavalskrakers naor de Rock en pop-muziek van vandaag.

Naos de dansgarde, 't Grensland Orkest, Awesome, Just4fun en de Barghse Jonges staon d'r ook vol ni-je gezichte 't podium. Wat te denke van de drumband KNA uut Zeddam, de jonge coverband Basement en nog vol meer ni-je snuutjes. Carnavalsvereniging d’Olde Waskupen hoap op deze ook dit jaor weer veur 'n spetterend spektakel te zörge.

Plaatsbesprèke:

Umdat d'r ongeveer 40 zitplaatse zun is d'r op vri-jdag 3 fibrewari 2017 bi-j gandcafé De Snor 't plaatsbespreke. De uutgifte van de lötjes begint um 19.45 't plaatsbesprèke um 20.00 uur. 't Plaatsbesprèke is alleen bedoeld veur persone van 55 jaor en older en minse die slech ter been zun.

Pronkzitting XS:

Ook de jeug bereidt op geheel eige manier weer 'n fantastische pronkzitting XS veur. Op zaoterdagmiddag 11 fibrewari um 13.30 mot 't veur de jonge carnavaliste weer gaon gebeure. Dan krig jeugprins Timo I 'n tot aan de nok toe gevuld programma veurgeschötteld vol dans, muziek en buuts. Veur deze middag hebbe de bezuukers gin kaarte neudig, maor wèès op tied, want vol is zoas altied ook ech vol.

Voor Pronkzitting XL wodde aparte kaarte verkoch. Deze zun te koop bi-j Kachelhöltjes Partypret, Resto De Bongerd, Bakkeri-j Diekman en via deze website bestel hier.