Onze jeugcommissie is achter de scherme ook druk in de weer met de veurbereidinge veur 't jeugdcarnaval. Zo zal d'r 'n alternatieve jeugpronkzitting plaatsvinde. 't Aanmelde veur 't jeuggevolg en de Buutschool staon oape. In dit artikel gif de jeugcommissie meer informatie.

Normaal gesproake wödt rond deze tied van 't jaor 'n ni-je jeugprins en gevolg gekoaze. Helaas brink dit carnavalsjaor toch 'n aantal onzekerheje met zich met waordeur dit jaor niet helemaol 't eigeste zal zun. Echter probere d’Olde Waskupen 't maximale d'ruut te hale binne de richtlijne van 't RIVM. Daorum regere de jeugprins, adjudante en president van 't afgelope jaor ook dit jaor regere. Veur de dansmarietjes, narre, vaandeldrager en Raod van XI wodde wel ni-je kindere gekoaze uut groep 5 tot en met 8. Wil gi-j wette hoe leuk 't is um dit te doen? Lèes dan veur meer informatie  op deze pagina. 't Aanmelde kan tot en met dinsdag 8 september via dit aanmeldformulier. Ook a-j ow al eerder heb opgegrève verzuuke wi-j ow um dit nog 'n keer te doen.

De jeugpronkzitting wödt dit jaor op 14 november in aangepaste vorm geholde in Zalencentrum De Gracht.
Natuurlijk motte wi-j hier rèkening holde met de richlijnen die zun opgesteld vanuut 't RIVM. Hoe dit allemaol in zien wark geet heure gullie snel!
Wi-j könne gin pronkzitting organisere zonder de sterren van 't podium. Dus kan gi-j 'n feesje bouwe en zet gi-j de hele zaal op zien kop? Meld ow dan aan veur de Buutschool met dit aanmeldformulier. Hier wo-j geholpe um 'n top performance neer te zette deur op enkele zondagochtende te oefene van 09.30-10.15 uur.

Dankzij 't coronavirus zal dit jaor dus helaas niet 't eigeste zun as altied. Toch gaon wi-j met zun alle 't beste d'rvan make.

Jeugcommissie