Carnavalsvereniging d’Olde Waskupen besteet volgend jaor 66 jaor en 6x11 is now eenmaol carnavalistisch gezien 'n bizunder jubileum. 
In 2021 wödt daorum 'n boek uutgebrach in de trant van de jubileumboeke zoas bi-j 't 22 en 44-jaorig bestaon zun uutgebrach. Gebonde, 512 pagina’s en dit keer helemaol in kleur!

De schrievers zun d'r inmiddels al 'n jaor met aan de geng. De meeste jaore ligge al bi-j de eindridactie en ook zun al vol foto’s uutgezoch. Daorop zulle arg vol carnavaliste en ‘normale’ minse te zien zun. Ook zulle heel vol minse in 't boek genuump wodde, zoas medewarkers aan de pronkzittinge, alle prinse met hun gevolg, de leje van de Raod van XI, de old-prinse en heel vol deelnemmers aan de optochte.
Wier 't eerste jubileumboek samegesteld deur IJsbrand Nijhof en 't tweede deur 'n team van vijf man geschreve, 't jubileumboek dat volgend jaor verschient wödt verzörg deur Gaby Berendsen, Antoine Booms, Hans Geers, Thijs Heering, Thiemo Kaaf, Erik Meuleman, Michel Moll, Sjaak Reumer, Daniël Schmitz, Hans Stein, Willy Stein en de fotografe Jan Kraaijenbrink, Eddy te Pas, Marco Scheurink, Theo Sommers, Ton van Vliet en heel vol andere. De eindridactie is in hande van IJsbrand Nijhof en Sjaak Reumer.

't Is now zaak veur bestuur en samestellers um de financiering van 't boek rond te kriege, want deel drie geet maor liefs €12.000,- koste aan druk- en zetwerk.
't Wödt ech deel III, want 't boek kump d'r net zo uut te zien as de eerste twee ‘lere’ buuk uut 1977 en 1999.
't Enige verschil is dat de foto’s in kleur uutgevoerd wodde, wat in deel I nog niet te betale was en in deel II nog vös te duur

Sponsoring
't Jubileumboek is dalijk veur iedereen te koop veur € 22,- per stuk. 't Is daornaos ook meugelijk veur bedrijve en stichtinge um as sponsor in 't boek te komme.
Zo wödt aan de vaste adverteerders van carnavalskrant De Waskuup gevraog um naos de traditionele advertentie in den krant zich ook veur €100,- extra aan te melde as sponsor van 't boek. Hun firmanaam wödt dan in 't boek vermeld en boavendien ontvange ze twee jubileumbuuk. Hoewel 't boek pas volgend jaor uutkump, kan iedereen zich binnekort deur middel van 'n inschrieving al van 'n boek verzekere. Binnenköt wodde de spelregels hierveur bekend gemaak.