Op de druk bezochte conclaafvergadering van afgelope vri-jdag bi-j grenscafé de Peer ware haos alle leje van de d’Olde Waskupen weer bi-j mekaar. Zoas gebruukelijk op de conclaafvergadering  motte  de leje weer 't neudige kieze. Maor eers stonde ze met één minuut stilte stil bi-j 't recente hen gaon van Robby te Boai-j.

Nao de mededelinge van 't bestuur  vond de ballotage van meugelijke ni-je leje plaats.  Zoas 't d'r now uutzöt wodde hierme 'n aantal commissies verstark. 

Daornao was 't de beurt aan 't bestuur.  Fred Willemsen trad na 9 diensjaore af as schatkisbewaker van de vereniging. Dat hij geweldig wark het verrich bleek wel uut de daverende staonde ovatie den hij van alle leje kreg. Uut hande van de veurzitter kreg hij 'n schitterend aandenke. De plek as schatkisbewaker wödt nao 'n stemming ingenomme deur Robbie Krijgsman. 
Jeroen Bruil was aftredend en wier opni-j gekaoze en zo mag Jeroen zien wark as kanselier veurtzette.

Naodat de commissieveurzitters ware benuump en de veurdrach van de Raod van XI deur de leje was goedgekeurd, kwam de belangrijkste verkiezing van deze aovond aan bod. De leje konden deur middel van 'n prissentatie op 'n groot scherm kennis make met de kandidate. Daornao  kon 't stemmen veur 'n ni-je prins carnaval ech beginne. 

Rond elf eûver elf en 2 stemrondes wie-jer kwam de veurzitter met de welbekende woorde ‘Wi-j hebbe ’n prins!’. Onder luid applaus wier d'r daornao nog genoate van de neudige breudjes met krakauer wors, sauerkraut en kartoffelsalat die deur de minse van de Peer wiere uutgeserveerd.

't Bleef nog lang gezellig. Zo heurt ‘t!