Met de lleste algemene lejevergadering van d’Olde Waskupen zun d'r 2 ni-je leje geballoteerd. Wi-j zun verheug um te magge melde dat Berthold Schenning en Eckhard Gramentz hun ballotage hebbe geaccepteerd en zich vanaf now lid van d’Olde Waskupen magge nuume. Met 'n knipoog wödt d'r binne de vereniging dan ook van 'n “Duitse invasie” gesproake.

Wi-j zun arg bli-j met deze ni-je le-je die hun steen wille bi-jdrage aan 't carnaval in Waskupenstad.
Bei-je here stelle zich graag nog efkes veur.


Berthold Schenning
Mien naam is Berthold Schenning, geboare op 24-01-1964 te Elten.
Heb in 't verleje verschillende kere opgetroaje met de pronkzittinge van d'Olde Waskuupen as de Immigrant.
Later bu'k 5 jaor lid van de Raod van XI gewèès. Deur mien ziekte moes ik toen helaas daormet met stoppe.
De meeste carnavliste kenne mien dan ook al wel.
Ik verheug mien d'r op um weer lid te zun van d’Olde Waskupen en binne de Zaal en Receptie Commissie 'n bi-jdrage aan 't carnaval te könne levere.

Eckhard Gramentz
Van de Kanselier he'k 't berich ontvangen da'k vanaf now lid bun van Carnavalsvereniging d’Olde Waskupen. Hier bun ik kats trots op.

Ik wil mien dan ook graag efkes aan ollie veurstelle. Mien naam is Eckhard Gramentz en bun same met mien echtgenote Henny woonachtig aan de Batavenstraot in ’s-Heerenbarg. Wi-j hebbe same 'n zoon den naor de naam Daniël luustert. Mien geboortedaotum is 27-09-1960 en ik wark bi-j Anton Tijdink Techniekopleidingen te Terborg as Coördinator verspanningstechniek en coördineer ook de contacte met alle VMBO schole. Mien hobby’s zun mien vrouw Henny, voetbal, visse en ook mien wark. Verder bun ik de veurzitter van CV Van Alles Wat. Vanuut deze vereniging doen wi-j elk jaor met aan de grote carnavalsoptoch van Waskuupstad.

De meeste van ollie kenne mien misschien umda'k mien afgelope jaor Prins Carnaval van Waskuupstad moch nuume. Dit heb ik met vol trots en eûvergave gedaon.
Ik heb mien bi-j de Zaal en Receptie Commissie aangemeld. Van hieruut kan ik later nog bepale of ik nog bi-j andere Commissies actief kan wodde.

Nogmaals. Ik ben d'r kats trots op um lid van d’Olde Waskupen te zun.

Alaaf!
Eckhard Gramentz