Ni-jsbrief jeug, buutschool en gevolg
AANMELDE BUUTSCHOOL
Beste kindere uut Waskuupstad.
De schoolvakanties zitte d'r weer op. Hebbe gullie weer 'n bietje zin in school? De minse van de buutschool wille ollie d'r nog 'n keer op wieze da-j ow weer könt aanmelde veur de buutschool zoda-j ook met könt doen aan de jeugpronkzitting op 4 november 2017.
De daotums van de buutschool zun bekend:
Vanaf now kan iedereen zich opgève via de website van d’Olde Waskupen!
De daotum waorop d'r geoefend wödt zun:
10 september um 9.30 bi-j de Peer
24 september um 9.30 bi-j de Peer
1 oktober um 9.30 bi-j de Soos
22 oktober um 9.30 bi-j de Peer
4 november is dan de jeugpronkzitting
Wi-j hoape op vol aanmeldinge en könne haos niet wachte um weer te beginne aan 'n ni-j seizoen van de buutschool. He-j vraoge of opmarkinge, stuur dan 'n email aan:
------------------------------------------------------------------------------------------------------------------------------------------
JEUGPRINS EN GEVOLG
Gullie hebbe vas al wel geheurt, dat op zaoterdagmiddag 4 november old-jeugprins Timo I de ni-je jeugprins geet installere. Op den dag wödt met de altied gezellige jeugpronkzitting de ni-je jeugprins en zien gevolg geprisenteerd.
De Jeugcommissie mot dus weer op zuuk naor 'n ni-je prins en gevolg. De verkiezinge daorveur zun midde september. Gi-j könt ow now opgève via deze link. Vraog altied eers ow olders um toestemming.
De ni-je jeugprins: wie wödt dat dit jaor? Misschien wel gi-j! Bun gi-j één van de 4 dansmarietjes? Hofnar of adjudant? Zitting nèmme in 't gevolg is ook 'n hele mooie belèvenis.
Meld ow now aan, want gi-j gaot d'r gin spiet van kriege.
------------------------------------------------------------------------------------------------------------------------------------------
BEZUUK OLDE JOEKEL ECKHARD AAN DE MARIABASISSCHOOL
Op dinsdagmiddag 5 september brink Olde Joekel Eckhard I um 13.15 uur 'n bezuuk aan de groepen 5 t/m 8 van de Mariasbasischool. Same met 'n aantal andere carnavaliste vertelt hij dan eûver zien tied as Prins Carnaval van Waskuupstad. Natuurlijk zun ollie vaders en moeders ook uutgeneudig. D'r ligge inschrievingsformuliere klaor, die gi-j same met ow olders könt invulle veur a-j jeugprins wil wodde of deel wil nèmme aan 't gevolg. Wi-j hoape op 'n grote opkoms!