De Pronkzitting XL, den op zaoterdag 11 fibrewari plaats geet vinde, is kats uutverkoch. De kaarte ginge de afgelope wèèk in recordtempo eûver de toonbank. De veurgaonde jaore ware de kaarte veur deze aovond al ruum anderhalve wèèk van teveure uutverkoch, maor dit keer zette de carnavalsvereniging 'n ni-j record neer. Ruum drie wèèk veur 't startsein veur 't regionale carnaval ware d'r al gin kaarte meer te kriege. Met 'n uutverkoch sportcentrum is 't eerste stukske in de veurbereiding tot 'n spetterende aovond vol muziek en dans ingevuld!
Plaatsbesprèke
Umdat d'r ongeveer 40 zitplaatse zun met de pronkzitting XL is op vri-jdag 3 fibrewari 2017 bi-j Grand café De Snor 't plaatsbesprèke. De uutgifte van de lotte begint um 19.45 't plaatsbesprèke um 20.00 uur. Vergèèt niet ow toegangskaart, want alleen op vertoon van de kaarte krie-j 'n lot en plaats toegeweze. 't Plaatsbesprèke is alleen bedoeld veur persone van 55 jaor en older en minse die slech ter been zun.