Foto: Alfred Kock

Now de vakantieperiode d'r op zit wödt d'r deur vol minse uutgeèke naor 't kommende carnavalsseizoen. Met de pronkzittinge op vri-jdag 7 en zaoterdag 8 november veur ons, zun de commissies en warkgroepe volop bezig met de veurbereidinge um 't publiek weer 'n enerverend programma veur te schöttele. 

De buutcommissie het nog veur de zommerstop naogedach eûver 't programma en de muzikale begeleiding. De dansgardes zun al weer aan 't oefene en ook de buutschool van de Jeugcommissie is weer gestart. Vol muzikante zun druk met oefene van hun liedjes en zi-j staon te popele um deze te laote heure. De muzikale begeleiding wödt weer verzörg deur de blaoskapel en Awesome. De alom bekende buutreedners van Waskuupstad dree-je op dit moment warm en zun druk bezig um 'n gevarieerd buutprogramma neer te zette. 

De ideeën veur de prinsenprisentaties ligge op taofel. De verhale wodde in de kommende wèke wi-jer uutgeschreve, de dialoge verwark en de 't zuuke naor de minse die 'n rol motte vervulle kan wodde opgestart. 't Beloave weer Waskupen-waardige prisentaties te wodde waor humor en amusement hoog in 't vaandel staon. Met volle eûvertuuging kan now al wodde gesteld: Dat mo-j belève!