Afgelope zondag hield de carnavalsvereniging 'n persconferentie in de Gerrit Heuevelinghal. 'n Video daorvan is te vinde op onze Facebook- en Instagrampagina
't Is deur 't cornonavirus ook onzekere tied veur 'n carnavalsvereniging. Hoe pakke wi-j onze pronkzittingen aan? Hoe geet de optoch d'ruut zien? Hoe gaon wi-j 't carnaval in Waskuupstad viere? Vraoge waorop wi-j op dit moment nog gin passende antwoorde hebbe. Niemand wet helaas hoe de zake de kommende tied gaon lope en welke gevolge dit het veur de evenemente van onze vereniging.

Onze Buutcommissie kwam gisteraovend bi-jmekaar um in 'n ruum opgezette vergaderruumte nao te denke eûver de kommende pronkzittinge en hoe wi-j as d’Olde Waskupen hier invulling aan könne gaon gève. Goeie ideeje wiere d'r gespuid en genoteerd.
De traditionele novemberpronkzitting zoas wi-j den kenne in de sporthal is in deze 1,5 meter samelèving haos onmeugelijk um te organisere.
Maor as Olde Waskupen streve wi-j d'r naor um binne de gestelde richlijne van de eûverheid veur de carnavaliste iets in de maond november te organisere zodat wi-j de start van 't carnavalsseizoen könne viere. 
Op welke manier dit zal zun en aan welke richlijne geholde mot wodde, dat zal de komende tied uitwieze en wodde uutgewark.

'n Mooie actie van Capqe.  Lid Patrick Beverloo produceert mondkäpkes waormet gi-j veilig in 't oapenbaor vervoer könt reize en tigeliek ook nog 's ow lokale vereniging steun. 
Bi-j aankoop van 'n Waskupen mondkäpke kump 'n klein bedrag daorvan ten goede aan de vereniging.
Dus bu-j nog op zuuk naor 'n mondkäpke um bi-jveurbeeld te könne tanke in Duitsland, kiek dan 's gauw op https://www.capqe.com/waskuup-mondkapje-rw

Ons bereikte 't droevige ni-js van 't eûverlijde van mevrouw Netje Berndzen-Kniest. Netje, zoas iedereen eur kende, was 'n gemeenschapsmins bi-j uutstek.

As d’Olde Waskupen ware wi-j trots op eur vole optrejes met onze pronkzittinge in de jaore zestig en zeuvetig. Met eur prachtige stem en eur mooie liedjes eûver ’s-Heerenbarg oogstte zi-j altied vol succes. Veural eur liedjes “Heimwee“ en “Eén ’s-Heerenbarg” uut 1967 ware toppers. Op bi-jgevoegde foto zie-j eur met eur optreje met "Olde Waskuupliedjes", afgelope september bi-j Heitkamp.

Netje het zich niet alleen op de bühne van d’Olde Waskupen laote gelde. Zo was ze van 1973 tot 1986 as raodslid en wetholder van de gemeente Bargh nauw betrokke bi-j de gemeentelijke politiek. Daornaos bestuurslid van 't Jeugdcentrum Bergh, provisor van 't Gasthuus Sint-Gertrudis. Ook is zi-j veurzitter gewèès van 't gemengd zangkoor Bergh Opwaerts en langdurig lid van toneelvereniging Alphons Ariëns.

Netje beheurde tot 'n bisunder selek gezelschap die zich holder van De Eremedaille der gemeente Bergh moch nuumen. Veur al eur wark veur de ’s-Heerenbargse gemeenschap ontving zi-j in 1994 'n koninklijke onderscheiding. In 2000 nam zi-j as veurzitter van de Heemkundekring Bergh de Berghse Kei in ontvangs. In 2018 kreg zi-j as één van de vri-jwilligers van Gertrudis veur hun vri-jwilligerswark de Berghse Kei nogmaals.

's-Heerenberg velös 'n betrokke gemeenschapsmins.