De afgelope weekende is d'r achter de scherme hard gewark aan de Thuuszitting en Jeugpronkzitting die vri-jdag 13 november en zaoterdag 14 november wodde uutgezonde.

Op 24 oktober bereikte ons 't trieste berich van 't eûverlijde van ons warkend lid Goery Huijink. Goery was sins 1981 lid van d’Olde Waskupen. Eerder al, in 1979, was hij veur zien inzet in zien buurt, de J.H. van Heeklaan, benuump tot Commandeur in de Orde van d’Olde Waskupen.
Um um te ere veur zien grote betrokkeheid bi-j de Barghse gemeenschap wier hij in 2005 uutgeroepe tot Ridder in de Orde van de Berghse Kei. Hij was heel vol jaore veurzitter van de jury bi-j de optochte en veurzitter van de zaal- en riseptiecommissie. Al zien vri-jwilligersactiviteite ware in 2010 reje veur Hare Majesteit Koningin Beatrix um Goery te benuume tot Lid in de Orde van Oranje Nassau. Met zien hengaon verlös de samelèving 'n markante persoonlijkheid.

Dat 't kommend carnavalsjaor anders dan anders geet verlope mag duudelijk zun. In naovolging van de bi-jeenkoms met buurte, straote en carnavalsgroepe make wi-j bekend dat d'r, zoas verwach, 't kommend carnavalsjaor gin optochte in Waskuupstad plaatsvinde. Alle deelnemmende groepe hebbe daorum now extra lang de tied um iets moois te bedenke veur de feestelijke jubileumoptochte van 2022.

'n Grote minsemassa den in de stad 'n rondgang mik met de Prestatietochte, of die keihard metzinge in de sporthal met Pronkzitting XL en XS is natuurlijk in deze tied niet meugelijk. De veurgenomme 10e editie van Pronkzitting XL en Pronkzitting XS in jannewari en de Prestatietochte op carnavalsdinsdag vinde dan ook niet plaats.

Maor ondanks dat laote wi-j as d’Olde Waskupen de carnavalsdage in 2021 niet stillekes veurbi-j gaon.

Zoas wi-j gaon laote zien met d’Olde Waskupen Thuuszitting probere wi-j ook veur de carnavalsdage met leuke en ludieke (digitale) alternatieve te komme die passe in de huidige situatie.

Zo wödt 't toch 'n bietje carnaval thuus en in Waskuupstad! ‘Daor hol ik van!’

Bestuur d’Olde Waskupen