Geschreve op .
Afgelope dinsdag 25 september was 't weer de dag dat alle Ridders in de Orde van de Berghse Kei same kwame veur de jaorlijkse ontmoetingsdag. Op uutneudiging van Carnavalsvereniging d’Olde Waskupen genoate zi-j same van 'n mooie cultuur-historische dag.
Geschreve op .
De warkende leje van carnavalsvereniging d'Olde Waskupen hebbe met de letste algemene lejevergadering twee ni-je leje geballoteerd. De here Thiemo Kaaf en Geraldo Brugman hebbe hun ballotage geaccepteerd en in dit artikel stelle ze zich graag efkes veur.
Geschreve op .
Maondagaovond 24 september organiseert carnavalsvereniging d'Olde Waskupen weer eur jaorlijke vergadering veur buurte, straote en vriendegroepe. Met deze vergadering wodde de aanwezige geïnformeerd eûver zake vanuut de vereniging en eûver de optoch waoraan vol carnavaliste metdoen. De vereniging heurt ook graag wat d'r zoal lèèf in de buurte, straote en vriendegroepe.
Met deze vergadering is 't ook meugelijk um aan de eerste kaarte veur de novemberpronkzitting te komme.
Deze vergadering vink um 20.00 uur aan in Grand café de Snor te 's-Heerenbarg. De vereniging rèkent op 'n goeie opkoms.
Geschreve op .
Sins köt is d'r Waskuupedia, 'n soort Wikipedia maor dan, zoas de naam al aangif, speciaal bedoeld veur onze carnavalsvereniging d’Olde Waskupen.
Dit digitale archief met veural vol foto’s aangevuld met allerlei feitjes is natuurlijk nooit compleet. Zo ontbrèke bi-j vol foto’s nog de bi-jbehörende name en dat is zönd.
Wi-j zun d'r van eûvertuug dat met ollie hulp Waskuupedia nog completer wödt.
Geschreve op .
Eind juni wier onze ni-je prins met de conclaafvergadering van de vereniging gekoaze. Wie de prins is, is onbekend, maor dat hij de kommende periode 'n drukke tied tigemoet geet steet al wel vas.
Hoe zöt den periode tot aan de novemberpronkzitting d'r uut? De PR-Commissie het old-prins Thiemo bereidt gevonde um hier 's eûver te vertelle.
Zien belèvinge ku-j in dit uutgebreide verslag lèze.
Geschreve op .
Op dinsdagmiddag met de carnaval het jeugprins Jeb I 'n end gemaak aan 't carnavalsjaor 2017/2018 veur de jeug van Waskupenstad. Dit was ook zien lètste officiële handeling as Hoogheid. Iedereen het könne zien dat Jeb ’n mooie tied het gehad met zien gevolg.
Veur alle jonge Waskuupkes en Waskuupinnekes was 't 'n super gèèf carnaval. De prachtige herinneringe blieve de “Olde Joekel” en zien gevolg tot in lengte van dage bi-j.
Op zaoterdagmiddag 10 november installeert Jeb de ni-je jeugprins. De altied gezellige jeugpronkzitting wödt natuurlijk weer opgesierd met vol zang en dans verzörg deur enthousiaste kindere van de verschillende schole uut ’s-Heerenbarg.
Wie wödt de ni-je jeugprins? Misschien wel gi-j! Zitting nemme in 't gevolg is ook 'n hele mooie belèvenis. En wat dach gi-j van 'n optreje veur 'n enthousias publiek met de jeugpronkzitting. Vanaf now is 't meugelijk um ow aan te melde veur 't jeugprinsschap, 't gevolg of veur de buutschool.