Skip to main content

Geschreve op .

Cappy Hakfoort eûverleje

Vandaag bereikte ons ’t droevige berich dat ons zeer gewaardeerde lid Casper Hakfoort afscheid het motte nemme van dit aardse bestaon. Casper, bi-j de meeste bèter bekend as Cappy, wier op 4 september 1978 geballoteerd tot warkend lid van d’Olde Waskupen.

Cappy hield zich binne de vereniging veural bezig met technische zake. De stroomveurziening bi-j de pronkzittinge en al ’t wark rondum de lichploeg ware zien ding. Daornaos is Cappy jaorelang actief gewèès bi-j de optochcommissie as optochbegeleider. Cappy stond zelf niet graag in de schijnwerpers maor zörgde d’r wel altied veur dat andere van ‘t volle lich konde geniete. Veur zien inzet veur onze vereniging is Cappy in 1997 benuump tot Commandeur in de Orde van d’Olde Waskupen. 

De letste jaore ging ’t steeds slechter met zien gezondheid. Uuteindelijk het hij de strijd op motte gève en ging letterlijk en figuurlijk ’t lich uut. Wi-j bedanke Cappy veur alles wat hi-j in 38 jaor lidmaatschap veur d’Olde Waskupen het wille betekene en zun in gedachte bi-j zien vrouw Annie, hun kindere en kleinkindere.

Names ereléje en léje van CV d'Olde Waskupen

Eugène te Wildt, veurzitter.

 

Geschreve op .

Wim Evers eûverleje

Op 11 december bereikte ons 't droevige berich dat ons old lid Wim Evers ons op 75-jaorige lèèftied is ontvalle.

Wim is op 25 maart 1974 lid gewodde van d'Olde Waskupen en gaf op zien eige kenmarkende manier meteen vol gas. In 1976 trad Wim toe tot de Raod van XI waorvan hij lid is geblève tot 1979. In 1977 nam Wim 'n snipperjaor bi-j de Raod um as Adjudant van Prins Hendrik I (Mijnen) 't carnaval van den andere kant met te make. Dit beviel Wim zo goed dat hij in 1982 as Prins Wim I onder 't motto "Köpke d'r bi-j" zelf de scepter zwaaide eûver Waskuupstad, 'n ere ambt dat um in 1990 onder 't motto "Wi-j make dat" veur 'n tweede keer ten deel viel.

Wim is jaorelang veurzitter gewèès van onze optochcommissie en was 'n gedreve veurzitter van 't college van Old Prinse. De letste jaore het Wim afstand genomme van 't actieve verenigingslève maor carnaval in Waskuupstad en d'Olde Waskupen is Wim nooit uut 't oog verloare. 

Onze gedachte gaon uut naor Betty, de kindere en de kleinkindere, wi-j hoape dat ze de krach vinde um dit verlies 'n plek te gève. Rus zach Wim!

Names ereléje en léje van CV d'Olde Waskupen Eugène te Wildt, veurzitter.

Geschreve op .

Tip van Sint en Zwatte Piet

Now Sinterklaos weer in 't land is bekröp menigeen weer 't gevuul “pfff wat mot ik x of y now toch weer 's gève”. Hierbi-j de oplossing:

Lees meer

Geschreve op .

2x Gold veur Vincent Nijhof met 1e editie Achterhoekse Buutkampioenschap

Afgelope zaoterdagavond streje 8 deelnemmers um 't Achterhoeks Buutkampioenschap den dit jaor veur 't eers wier georganiseerd deur de Ettense carnavalsvereniging de Deurzetters. Wie de eerste winnaar van de wisselbeker zol wodde wier bepaald deur 'n negekoppige vakjury onder leiding van Frans Miggelbrink. Vanuut d’Olde Waskupen streje Vincent Nijhof en Daniël Schmitz met in 't kampioenschap en name Antoine Booms en Jos Marissink plaats in de jury. Zowel Daniël as Vincent wiere ondersteund deur 'n groot aantal metgereisde supporters die de dillegatie van de Waskupen ruumschoots vertigewoordigde.

Lees meer

Geschreve op .

Buutschool veur Pronkzitting XS

'n Geweldige jeugpronkzitting lig alweer 'n aantal dage achter ons. Wat hebbe wi-j met z’n alle van 'n ontzettend mooi programma könne geniete. Maor d'r is gin tied um stil te zitte. De veurbereidinge veur de Pronkzitting XS 2017 van 11 fibrewari 2017, zun al in volle gang. Wi-j verwachte weer 'n stroom van aanmeldinge, dus meld ow snel aan. Via disse link ku-j ow opgève. De sluutingsdaotum is al op 27 november.

Lees meer

Geschreve op .

Kaartverkoop pronkzitting XL 2017 van start

Op zaoterdag 11 fibrewari um 19.49 uur steet bi-j carnavalsvereniging d’Olde Waskupen de jaarlijkse pronkzitting XL op 't programma. Artieste uut de hele regio zun weer van de patti-j um in 'n bomvolle Waskupentempel in 't Laco sportcentrum te ‘s-Heerenbarg opni-j de aftrap te gève van 't regionale carnaval in de Achterhoek en Liemers. 

Lees meer

Meer artikels...