d’Olde Waskupen zörgde met de zesde editie van Pronkzitting XL veur ‘n programma vol dansacts en live muziek vertolk deur vol muzikante, dansers en bands. Dat Pronkzitting XL hiermet ‘n begrip is gewodde wier hierdeur veur menigeen nog ‘n keer bevestig.

De Pronkzitting XL, den op zaoterdag 11 fibrewari plaats geet vinde, is kats uutverkoch. De kaarte ginge de afgelope wèèk in recordtempo eûver de toonbank. De veurgaonde jaore ware de kaarte veur deze aovond al ruum anderhalve wèèk van teveure uutverkoch, maor dit keer zette de carnavalsvereniging 'n ni-j record neer. Ruum drie wèèk veur 't startsein veur 't regionale carnaval ware d'r al gin kaarte meer te kriege. Met 'n uutverkoch sportcentrum is 't eerste stukske in de veurbereiding tot 'n spetterende aovond vol muziek en dans ingevuld!
Plaatsbesprèke
Umdat d'r ongeveer 40 zitplaatse zun met de pronkzitting XL is op vri-jdag 3 fibrewari 2017 bi-j Grand café De Snor 't plaatsbesprèke. De uutgifte van de lotte begint um 19.45 't plaatsbesprèke um 20.00 uur. Vergèèt niet ow toegangskaart, want alleen op vertoon van de kaarte krie-j 'n lot en plaats toegeweze. 't Plaatsbesprèke is alleen bedoeld veur persone van 55 jaor en older en minse die slech ter been zun.

Op zaoterdag 11 fibrewari um 11 minute veur 8 is 't weer zowiet. Dan steet de jaorlijks terugkerende Pronkzitting XL weer op 't programma bi-j d’Olde Waskupen. 'n Aovond vol dans en muziek, waarmet 't startsein veur 't regionale carnaval gegève wödt. Nao vijf uutverkochte edities löp de kaartverkoop ook dit jaor weer storm en zöt 't d'r naor uut dat de kaarte eind van deze wèèk al weer uutverkoch zun.

Zondagmarge 8 jannewari was ‘t hèvig druk bi-j de soos. Niet umdat d’r ‘n tourtoch wier geholde maor umdat de buutschool met alle kindere aan ‘t oefene was veur de jeugpronkzitting XS. Onder ‘t toeziend oog van prins Eckhard I en zien gevolg wedde de mooiste optredes gegève met zang, dans en buut.

Met dat Hans Diekman as brandwach eûver de veiligheid van 's-Heerenbarg waakte en Patrick van den Bosch aanwezig was bi-j de oefenochtend van de jonge Waskupen veur de XS pronkzitting, vertrok 'n bestuursdillegatie van CV d'Olde Waskupen naor Wèèl um deel te nemme aan de deur de H. Gabriël Parochie georganiseerde Driekoningeviering. De viering, waor aanstaonde communicante 'n veurname rol spölde, wier deels in Dickens-stijl verzörg.