Skip to main content

Geschreve op .

d'Olde Waskupen Thuuszitting

Zoas gullie hebbe könne lèze is besloate um onze PronkZITting in de kroege niet deur te laote gaon.
Toch hebbe wi-j geweldig ni-js. D'r kum 'n zeer mooi digitaal alternatief! Wi-j komme bi-j ollie thuus!
 
In 't weekend van vri-jdag 13 en zaoterdag 14 november prisentere wi-j de ‘d’Olde Waskupen Thuuszitting!’
'n Gratis Pronkzitting den wödt uitgezonde via StadsTV Bergh en Regio8!
'n Ruum 2,5 uur durend spektakel met bekende & ni-je liedjes, danse van onze Dansgarde en heel vol buuts!
'n Mooie mix van opgenomme ni-j- en archiefmateriaal gewoon bi-j ow thuus op de tv, laptop, tablet of tillefoon!

Ook aan de jonge carnavaliste is gedach.
De jeug kan geniete van 'n digitale Jeugpronkzitting!
 
Haal dus wat lekkers in huus en luidt same met ons thuus 't ni-je carnavalsjaor in!
Binneköt meer informatie eûver de uutzendtied en waor da-j de uutzendinge könt vinde! 

Geschreve op .

Persberich d'Olde Waskupen eûver de pronkzittinge

Gezien de huidige ontwikkelinge en aangescharpte maatregele rondum 't coronavirus hebbe d’Olde Waskupen in samespraak met de horeca in ‘s-Heerenbarg besloate um gin pronkzitting verspreid in de horecazake te holde.
Ook de veurgenomme jeugpronkzitting geet niet deur.
 
Ondanks de planne um deze zittinge op 'n nette en veilige manier uut te voere, is 't vanwège de veranderende situatie maatschappelijk gezien niet meer verantwoord.
De gezondheid van één ieder geet boave alles.
 
De vereniging verschuf now eur aandach naor 'n digitale oplossing um zo same met de carnavaliste de start van 't carnavalsjaor ‘thuis voor de buis’ in te lu-je!
'n Beslissing eûver de optoch (of meugelijk alternatief) volg later deze maond.
Op de bi-jeenkoms van maondag 12 oktober, waorveur afgevaardigde van de buurte, straote en carnavalsgroepe zun uutgeneudig, wödt met de aanwezige gesproake eûver de optoch. Feit is dat onder de huidige umstandigheje carnavalsoptochte zoas wi-j deze kenne niet plaats könne vinde.
 
Bestuur c.v d’Olde Waskupen

Geschreve op .

Buurte, straote en carnavalsgroepe vergadering

Op maondag 12 oktober a.s. steet d'r 'n vergadering met de buurte, straote en carnavalsgroepe gepland. Deze vergadering start um 20.00 uur en is bi-j Grandcafé de Snor.
Vanuut onze sikretaris is d'r 'n brief / uutneudiging naor betrokkene verstuurd eûver deze vergadering den volges de richtlijne van 't RIVM zal wodde geholde. 

Lees meer

Geschreve op .

Waskupen zun druk bezig met jubileumboek

Carnavalsvereniging d’Olde Waskupen besteet volgend jaor 66 jaor en 6x11 is now eenmaol carnavalistisch gezien 'n bizunder jubileum. 
In 2021 wödt daorum 'n boek uutgebrach in de trant van de jubileumboeke zoas bi-j 't 22 en 44-jaorig bestaon zun uutgebrach. Gebonde, 512 pagina’s en dit keer helemaol in kleur!

Lees meer

Geschreve op .

Berich van de jeugcommissie: Jeugcarnaval & Corona

Onze jeugcommissie is achter de scherme ook druk in de weer met de veurbereidinge veur 't jeugdcarnaval. Zo zal d'r 'n alternatieve jeugpronkzitting plaatsvinde. 't Aanmelde veur 't jeuggevolg en de Buutschool staon oape. In dit artikel gif de jeugcommissie meer informatie.

Lees meer

Geschreve op .

Roldeure Gerrit Heuvelinghal hebbe weer kleur

Iedereen den de letste tied de roldeure van onze Gerrit Heuvelinghal het gezien kan beame dat ze wel 'n varfbeurt konde gebruuke. De originele kleur was redelijk ten prooi gevalle aan de weersinvloede. 'n Reje veur de Technische Commissie um tot 'n schilderbeurt te besluute. Dat kan echter niet zo maor umdat de hal onderdeel uut mik van 't gehele Sportcomplex Montferland en de Vereniging van Eigenare (VVE) daor ook met moes instemme. Deze VVE had gin moeite met 't veurstel van onze vereniging, as d'r maor in de oorspronkelijke kleur wier gevarf. Met deze klus is onze eigen meesterschilder Boudewijn Jansen belas en met gepaste trots tone wi-j op bi-jgaonde foto 't risultaot.

Meer artikels...