Vierde editie Pronkzitting XL grootser dan ooit teveure
Foto: Heini Peters
In ’s-Heerenbarg is op 'n grootse manier onder 't motto ’t Wier potverdomme wel ’s tied dat ’t carnaval wier of niet’ n begin gemaak met 't carnavalsfees in de Achterhoek en Liemers. Zo’n 1.200 man kwame op de totaal uutverkochte Pronkzitting XL af en belèèfde 'n mooie aovond vol muziek, humor en dans. Um de invulling veur 't regionale carnaval nog completer te make zörgde carnavalsvereniging d’Olde Waskupen veur 'n zeer gevarieerd programma met enkel en alleen live-muziek. Bekende gezichte en bands uut Waskuupstad zoas, de Barghse Jonges, Awesome, Bad Habit en 't Grensland Orkest gave 'n mooie invulling aan de aovond en zórgde veur de begeleiding van alle deelnèmmende artieste. Meer as 70 vri-jwilligers en muzikante uut de regio en zelfs uut 't buutenland betraoje 't podium en brachte op geheel eige manier 'n nummer of dans. Dit alles werd soepelkes aan mekaar gepraot deur de president van d'Olde Waskupen, Sjaak Kortboyer.
