Met de geweldige carnavalsdage achter de rug beginne toch ook weer de veurbereidinge richting 'n ni-j carnavalsjaor dat in Waskuupstad onder 't motto 'Mot könne!' wödt gevierd. Zonder prins/prinses is d'r gin carnaval. Wod gi-j misschien de volgende hoogheid van Waskuupstad?

Man, vrouw, jong, old, dik of dun?
Ook gi-j könt de volgende hoogheid zun!

't Prinsschap bi-j carnavalsvereniging d’Olde Waskupen is 'n ervaring den gi-j nooit zult vergète.
Stel ow veur: op hande gedrage wodde deur heel Waskuupstad, midde in de carnavalssfeer en 'n heel carnavalsjaor lang 't stralende middelpunt zun. 

"A-j wilt ervare hoe ‘t is um deur iedereen in Waskuupstad op hande gedrage te wodde, dan mo-j één keer hoogheid wodde van Waskuupstad. Dat zu-j ow hele lève niet vergète." - aldus Old prins Eugène I.

"Naos de huwelijksdag en de geboorte van onze zoon beheurt 't prinsschap tot de hoogtepunte in mien lève" - volges Old prins Eckhard I.

Prins(es) zun bi-j d'Olde Waskupen betekent vol en huldt ook vol in. 't Zal zeker invloed hebbe op ow lève en gi-j gaot 'n drukke tied tigemoet, maor gi-j maak 'n herinnering en 't is 'n belèvenis veur 't lève. Gi-j belèèf prachtige momente zoas de prissentatie in november, pronkzittinge, bezuuk aan bouwgroepe en buurtvereniginge en de carnavalsdage met de optoch as hoogtepunt.

"Het is 'n kroon op ow carnavalslève! Dat mo-j metmake." - zeit Old prins Rob I.

"Gi-j krieg 'n kiekje in de keuke van 't carnaval en dat is geweldig" - vind Old prins Danny I.

Wil gi-j dit metmake?
Informatie opvraoge of ow opgève kan heel makkelijk en snel.
Veur informatie ku-j 'n mail sture aan de veurzitter van de Raod van XI, Jos Hendrickse:
📧 Dit E-mail adres wordt beschermd tegen spambots. U moet JavaScript geactiveerd hebben om het te kunnen zien.

Bu-j al zeker van ow zaak en wet gi-j al da-j d'r veur wilt gaon, gèèf ow dan op via ons aanmeldformulier. 
Griep ow kans en belèèf 'n carnaval zoas nooit teveure!