Vraog ow vader en moeder maor 's welk evenement d'r rond de carnavalsdage met stip op nummer 1 stond en waor gi-j beslis naar toe moes? Juus, naor Bergh Opwaerts, aan de Grintweg um same met andere kindere uut Waskuupstad te danse en te springe op liedjes van André van Duin, Arie Ribbens en Normaal. Wat 'n fantastische aovonde ware dat en wat kèkke de kindere van die tied uut naor deze happening. Met 'n colaatje en 'n tuutje chips lol make. De tied is veranderd en Bergh Opwaerts besteet al lang niet meer. Carnavalsvereniging d’Olde Waskupen geet 'n olde traditie in ere herstelle. Direct nao de offisjeele oapening van 't carnaval wödt, op vri-jdag 24 fibrewari, 't Waskupen carnaval afgetrap deur de jeug van Waskuupstad. In samewarking met zalecentrum de Gracht wödt 'n geweldige Carnavals Tienerparty georganiseerd waorbi-j de jonge Waskupen met z'n allen könne met hosse op de beats van DJ Mark.
Mobiliseer ow vriende, klasgenote of kindere uut ow buurt en kom allemaol naor dit fantastische evenement vol muziek en ander spektakel.
De toegang is van 12 tot en met 15 jaor en legitimatie is verplich. Kaarte à € 3,- zun te koop bi-j Resto de Bongerd of bi-j Kachelhöltjes Party Pret. 

Kom gi-j ook? Laote wi-j efkes zien wat feeste is! want: Zo heurt ‘t!