Maak kennis met de Mini Dansgarde
Graag wille wi-j ollie laote kennismake met de Mini Dansgarde!
Joyce van Gessel en Ilse Neijenhuis starte ieder jaor in de maond maart met 'n groep jonge meide. In één groep danse 8 mèèdjes vas en zun 2 mèèdjes reserve. De reserves hebbe 'n belangrijke functie binne de groep, want zi-j motte op iedere plek könne dansen. Helemaal as d'r iemand uutvilt met de pronkzitting. Dan is snel schakele van belang en geleuf maor dat ze dat könne. Goed traine wödt altied beloond!
De meide oefene 1 keer in de wèèk van kwart eûver 6 tot ongeveer half 8 in zalencentrum De Gracht. Ze könne hier al jaore terech en zun heel blij met de ruumte die ze daor tot hun beschikking hebbe. De mèèdjes zun tusse de 6 en 10 jaor waordeur 't soms 'n hele opgave is um met de oefenaovonde de concentratie vas te holde. 't Is mooi um te zien dat in de loop van 'n oefenjaor bi-j vol mèèdjes 't talent naor veure kump en ze dan ech met spronge veuruut gaon.
De uutdaging veur de trainsters is dan ook um 'n goeie dans in mekaar te zette waor ieder mèèdje in met kan komme. Veur de één kos dat wat meer moeite dan veur de ander. Deur enthousias bezig te zun met de juuste danspasjes wödt d'r op 't end deur iederéén 'n goed risultaot geboek. De mini-dansgarde danst 1 dans met de pronkzittinge. Dat gaon wi-j in november zien. D'r wödt flink geoefend aan 'n prachtige dans den met Pronkzitting XS herhaald wödt. 't Ene jaor wödt d'r met de pronkzitting 'n gardedans gedans en 't andere jaor 'n vri-je dans.
Wiste gullie dat Ilse en Joyce zelf de muziek en de danspasjes uutzuuke en bedenke? Met grote regelmaot zitte de dames bi-jmekaar en bereide dan 'n ni-je dans veur. Tot now toe is dat altied 'n geslaagde actie gewèès.
Mèèdjes die interesse hebbe om te danse könne zich bij Joyce en Ilse opgève. Maor ook jonges zun van harte welkom. Olderlijke toestemming is wel neudig. Opgève kan al vanaf 4 jaor. Vaak kenne de kindere de mini Dansgarde al van de Jeugpronkzitting. Ieder aangemeld mèèdje (of jong) kump op 'n wachtlies te staon. Bi-j 't bereike van de 6 – of 7 jeurige lèèftied kan 't maor zo zun dat de trainsters ow gaon vraoge um met te doen. Alle deelnemmers könne tot hun 10de met de mini dansgarde met doen. Daornao ku-j eventueel deurstrome naor de Jeugdansgarde. Hier mo-j ow dan wel weer veur opgève bi-j de desbetreffende trainsters. Opgève veur de mini dansgarde kan bi-j Ilse en Joyce:
