De afgelopen maonde is d'r hard geoefend deur de jonge carnavaliste. Aankommende zaoterdag is 't dan zowiet en treje ze veur ollie op! Vanaf 13:30 uur is d'r 'n spetterende jeugpronkzitting te zien in de sporthal van Laco. 

Wie wödt onze ni-je jeugprins? 

De deure oapene um 13:00 uur en de toegang is zoas altied gratis. De jasse könne wodde opgehange in onze garderobe en kies daornao eiges 'n mooie plek in de weer mooi versierde zaal um te gaon zitte. 

Kom kieke en geniete!

Now zu-j ‘t kriège! 

Met jeugprins Xavi I veurop hebbe alle jonge carnavaliste in Waskuupstad van 'n zommers carnavalsfees könne geniete.
Op maondagmiddag nao de rommeloptoch kwam d'r 'n end aan 't fees veur jeugprins Xavi I en zien gevolg met 't popverbrande. 
Iedereen het könne zien dat Xavi 'n mooie tied het gehad met zien gevolg.

Veur alle jonge Waskuupkes en Waskuupinnekes was 't 'n fantastisch carnaval. De prachtige herinneringe blieve um en zien gevolg altijd bi-j.
d’Olde Waskupen motte dus weer op zuuk naor 'n ni-je jeugprins(es) en gevolg die wi-j op zaoterdag 12 november prisentere met onze jeugpronkzitting. 
Gi-j könt ow now opgève via onze website met 't aanmeldformulier jeuggevolg.

Op zaoterdag 26 fibrewari vond d'r live in de Gracht 'n jeugpronkzitting XXS plaats. Waorbi-j eers was veurgenomme um deze alleen via 'n rechstreekse verbinding uut te zende, kon d'r deur de versoepelinge toch ook 'n feesje wodde gebouwd in de Gracht. Carnavaliste jong en old konde zo geniete van 'n vermakelijke pronkzitting den dankzi-j StadsTV Bergh ook live in de woonkamer op TV was met te kieke. 

Op zaoterdagmiddag was 't al gezellig druk bi-j de jeugpronkzitting van d’Olde Waskupen.
Nao 'n jaor gin ni-je jeugprins was 't op 13 november 2021 eindelijk weer tied um de ni-je jeughoogheid van Waskuupstad te prissentere.