Ons bereikte 't bericht van 't eûverlijde van Annie Hakfoort, echtgenote van wijle Cappie Hakfoort.

Annie was 'n graag geziene persoon met de pronkzittinge in de jaore ‘70, ‘80 en ‘90. Op tal van pronkzittinge stond zi-j op de bühne met o.a de slaopmutskes en de fireflodders (1979), maor ook met Natte Alie (1980), Anneliese Rothenberger (1983) en de brandweervrouwe (1990). Daornaos spölde zi-j ook vaak met bi-j verschillende prinsprissentaties.

d’Olde Waskupen wense familie en vriende vol starkte en krach toe.

‘t Geet weer loos in Waskuupstad! Vanaf vri-jdag 10 juni tot en met maondag 13 juni bars ‘t fees los.
d’Olde Waskupen pakke in dit jubileumjaor groots uut met ‘n feestelijk carnavalsprogramma.

Ons bereikte 't berich van 't eûverli-je van Dinie Bijenhof. 

Dinie het zich vol jaore met vol passie ingezet veur 't jeugcarnaval in Waskuupstad. Zi-j ston mede aan de wieg van onze welbekende Buutschool en was daor lang actief as veurzitster waorbi-j zi-j met eur enthousiasme de veur zörgde dat vol jonge blage niet alleen carnaval leerde viere maor ook 't Barghs plat leerde praote.

Zi-j het daornaos 'n grote lies aan jeugdige artieste begeleid bi-j 't optrede en in 't schrieve van liedtekste veur hun optredes.

Dinie was as rascarnavalis eiges ook vaak op de bühne te bewondere in wisselende samestellinge. Same met Jackeline as 't duo ‘Moet en ik’ trade zi-j vaak op met onze pronkzittinge.

't Carnavalsmotto ‘Dat wödt wat’ waormet Prins Bert III in 2019 regeerde was mede deur eur bedach.

Veur al eur inspanninge veur 't carnaval in Waskuupstad wier Dinie in 2000 benuump tot ‘Carnavalis van 't jaor’. 

d’Olde Waskupen wense familie en vriende vol starkte en krach toe.

Met de offisjeele carnavalsdage achter de rug geet concentrere d'Olde Waskupen naor de jubileumriseptie volgende wèèk en 't feestelijke carnavals jubileumweekend in juni. Op zondag 12 juni pakke wi-j uut met de Grote Jubileumoptoch. 'n Bizundere optoch veur jong en old. Veur 't eers (en waarschijnlijk ook voor 't lets) 'n carnavalsoptoch in juni veur groot en klein. Den wil gi-j as carnavalsgroep, buurt of straot toch zeker niet misse! 

Vergèèt dan ook niet um ow gauw op te gève bi-j onze Optochcommissie. Dat kan eenvoudig en snel via ons inschrijfformulier Waskupenoptocht. De eerste deelnemmers hebbe zich al aangemeld en hoapelijk volge d'r gauw meer. 't Geet weer loos in juni met 3 feestelijke carnavalsdaag!

Met de aankommende versoepelinge die zun afgekondig wödt alles weer wat kleurrieker. Veural veur de lokale ondernemmers ontsteet d'r now de meugelijkheid um met 't officiële carnavalsweekend van volgend wèèk iets te ondernemme. De horecagelegeheje zun zelf vri-j um 't één en ander te organisere en d'r 'n feestelijk weekend van te make. As vereniging organisere wi-j alleen de carnavalistische activiteite. d'Olde Waskupen hebbe dan ook 'n kleine wieziging aangebrach in hun alternatieve programma veur 't carnavalsweekend van 25, 26 en 27 fibrewari.